ഓർമ്മപ്പെരുന്നാളും കുരിശിൻ തൊട്ടിയുടെ കൂദാശയും

പനമരം: നീർവാരം മണിക്കോട് സെന്റ് മേരീസ് യാക്കോബായ സുറിയാനി പള്ളിയിൽ വിശുദ്ധ ദൈവമാതാവിന്റെ ഓർമ്മപ്പെരുന്നാളും കുരിശിൻ തൊട്ടിയുടെ കൂദാശയും 15,16 തിയ്യതികളിൽ മലബാർ ഭദ്രാസനാധിപൻ അഭിവന്ദ്യ ഡോ. ഗീവർഗീസ് മോർ സ്തേഫാനോസ് മെത്രാപ്പോലീത്തായുടെ മുഖ്യകാർമികത്വത്തിൽ നടത്തപ്പെടും. ഞായറാഴ്ച വി.കുർബ്ബാനനന്തരം വികാരി ഫാ. ജോസഫ് പള്ളിപ്പാട്ട് കൊടി ഉയർത്തും.തുടർന്ന് ഭക്തസംഘടനകളുടെ വാർഷികം. വൈകുന്നേരം 5.30ന് കിഴക്കേ കുരിശിങ്കൽ മെത്രാപ്പോലീത്തായ്ക്ക് സ്വീകരണം, 6 മണിക്ക് പുതുതായി നിർമ്മിച്ച കുരിശിൻ തൊട്ടിയുടെ കൂദാശ അഭി. മെത്രാപ്പോലീത്ത നിർവ്വഹിക്കും. തുടർന്ന് അനുഗ്രഹ പ്രഭാഷണം, ആശീർവാദം, നേർച്ച,ലേലം എന്നിവ നടക്കും.