കമ്പളക്കാട് സമസ്ത കേരളാ ഇസ് ലാം മത വിദ്യാഭ്യാസ ബോർഡ് മദ്റസാധ്യാപകർക്കായി നടത്തുന്ന ഖുർആൻ പാരായണ പരിശീലന കോഴ്സായ തഹ് സീനുൽ ഖിറാഅയുടെ രണ്ടാം ഘട്ടം കമ്പളക്കാട് റൈഞ്ചിൽ ഇന്നു മുതൽ ആരംഭിക്കും. രാവിലെ 9.15 മുതൽ 12.15 വരെ മൂന്നു മണിക്കൂർ വീതം 5 ദിവസങ്ങളിലായി കോഴ്സ് നടക്കും. മദ്റസത്തുൽ അൻസാരിയ്യയിൽ നടക്കുന്ന കോഴ്സിൽ റൈഞ്ചിലെ 90 ലധികം മുഅല്ലിംകൾ സംബന്ധിക്കും. സമസ്ത മുജവ്വിദ് ശുഐബ് ഉലൂമി കോഴ്സിന് നേതൃത്വം നൽകും. കോഴ്സിന് മുന്നോടിയായി റൈഞ്ചിലെ 16 മദ്റസാ – മഹല്ല് മാനേജ്മെന്റ് ഭാരവാഹികളുടെ ശില്പശാല കഴിഞ്ഞ ദിവസം നടന്നു. റൈഞ്ച് പ്രസിഡണ്ട് ടി.വി അബ്ദുറഹ് മാൻ ഫൈസി അദ്ധ്യക്ഷനായി. മുജവ്വിദ് ശുഐബ് ഉലൂമി ക്ലാസെടുത്തു. മുസ്തഫ ഫൈസി പ്രാർഥന നടത്തി. മാനേജ് മെന്റ് അസോസിയേഷൻ റൈഞ്ച് ഭാരവാഹികളായ കെ.സി കുഞ്ഞമ്മദ് ഹാജി, വി.പി ശുക്കൂർ ഹാജി, ഇ.ടി ഹംസ ഹാജി തുടങ്ങിയവർ സംബന്ധിച്ചു. റെയ്ഞ്ച് സെക്രട്ടറി സി.പി ഹാരിസ് ബാഖവി സ്വാഗതവും പി. ഇബ് റാഹിം മൗലവി നന്ദിയും പറഞ്ഞു.
‘ദീപക്കിന്റെ മുഖത്ത് വിഷമം കണ്ട് കാര്യം തിരക്കി, പറഞ്ഞില്ല’; യുവതിക്കെതിരെ ശക്തമായ നടപടി വേണമെന്ന് പിതാവ്
കോഴിക്കോട്: ബസിനുള്ളില് വെച്ച് ലൈംഗികാതിക്രമം നടത്തിയെന്ന ആരോപണത്തിന് പിന്നാലെ യുവാവ് ജീവനൊടുക്കിയതില് യുവതിക്കെതിരെ ശക്തമായ നടപടി വേണമെന്ന ആവശ്യവുമായി മരിച്ച ദീപക്കിന്റെ പിതാവ് ചോയി. ഇനി മറ്റാര്ക്കും ഇങ്ങനെ സംഭവിക്കരുതെന്നും ചോയി പറഞ്ഞു. മാനനഷ്ടക്കേസ്
