പൊതുഗതാഗതത്തില് വൈദ്യുത വാഹനങ്ങളുടെ പങ്ക് ഉയര്ത്താന് വന് വാഗ്ദാനങ്ങളുമായി തമിഴ്നാട്. കഴിഞ്ഞ ദിവസം പുറത്തിറക്കിയ പുതിയ വൈദ്യുത വാഹന നയത്തില് അടിമുടി പുത്തന് മാറ്റങ്ങളാണ് ഉള്കൊള്ളിച്ചിരിക്കുന്നത്. വൈദ്യുത വാഹനങ്ങള് വാങ്ങുന്നതിന് 5,000 മുതല് 10 ലക്ഷം രൂപ വരെ ധനസഹായം നല്കുമെന്നാണ് സര്ക്കാര് അറിയിച്ചിരിക്കുന്നത്. വൈദ്യുത വാഹനങ്ങള് ഉപയോഗിക്കുന്ന ആളുകള്ക്ക് റോഡ് നികുതി, രജിസ്ട്രേഷന് ചാര്ജുകള്, പെര്മിറ്റ് ഫീസ് എന്നിവയില് ഇളവുകള് ഉണ്ടാകും. പൊതു ചാര്ജിംഗ് സ്റ്റേഷനുകളുടെ വൈദ്യുതി നിരക്ക് പരിഷ്കരിക്കും. ചെന്നൈ, കോയമ്പത്തൂര്, തിരുച്ചിറപ്പള്ളി, മധുരൈ, സേലം, തിരുനെല്വേലി എന്നീ ആറ് നഗരങ്ങളെ ഇവി നഗരങ്ങളായി പ്രഖ്യാപിക്കും.
വൈദ്യുത വാഹന നിര്മ്മാതാക്കള്ക്കും ഉപഭോക്താക്കള്ക്കും ചാര്ജിംഗ് സേവന ദാതാക്കള്ക്കും ഇന്സെന്റീവുകള് സര്ക്കാര് നല്കും.. വൈദ്യുത വാഹനങ്ങളെ പ്രോത്സാഹിപ്പിക്കുന്നതിന്നതിന്റെ ഭാഗമായാണ് ഈ നീക്കമെന്ന് പൊതുഗതാഗത വകുപ്പ് വ്യക്തമാക്കി.
തമിഴ്നാട് വൈദ്യുത വാഹന നയം 2023 പ്രകാരം നിര്മ്മാതാക്കള്ക്കുള്ള പ്രോത്സാഹനങ്ങളില് അഡ്വാന്സ്ഡ് കെമിസ്ട്രി സെല് സബ്സിഡികള്, നിക്ഷേപം അല്ലെങ്കില് വിറ്റുവരവ് അടിസ്ഥാനമാക്കിയുള്ള സബ്സിഡികള്, സംസ്ഥാന ചരക്ക് സേവന നികുതി എന്നിവയുടെ 100 ശതമാനം റീഫണ്ട് ഉള്പ്പെടുന്നു. അഞ്ച് വര്ഷത്തേക്ക് സംസ്ഥാനം സ്റ്റാമ്പ് ഡ്യൂട്ടി പൂര്ണ്ണമായും ഒഴിവാക്കും. കൂടാതെ സര്ക്കാരിന്റെ വിതരണ കമ്പനിയില് നിന്ന് വാങ്ങുന്ന വൈദ്യുതിക്ക് നികുതി ഒഴിവാക്കും. ഭൂമി ചെലവുകള്ക്ക് സബ്സിഡിയും നല്കും.
പുതിയ നയത്തിന്റെ ഭാഗമായി തമിഴ്നാടിന്റെ പൊതുഗതാഗതത്തില് വൈദ്യുത വാഹനങ്ങളുടെ പങ്ക് ക്രമേണ വര്ധിപ്പിക്കും. 2030ഓടെ സംസ്ഥാനം ഇലക്ട്രിക് ബസുകളുടെ വിഹിതം 30 ശതമാനമായി ഉയര്ത്തിയേക്കും. സ്വകാര്യ ബസുകള്, സ്കൂള്, കോളേജുകളുടെ വാഹനങ്ങള് എന്നിവ ഇവിയിലേക്ക് മാറാന് പ്രോത്സാഹിപ്പിക്കും.
നേട്ടത്തിന്റെ ട്രാക്കിൽ ഇന്ത്യൻ റെയിൽവേ; 2025ൽ എത്തിയത് 122 പുതിയ ട്രെയിനുകൾ, 549 ട്രെയിനുകളുടെ വേഗത കൂട്ടി
2025ൽ ഇന്ത്യൻ റെയിൽവേ ട്രാക്കിലെത്തിച്ചത് 122 പുതിയ ട്രെയിനുകൾ. നിലവിലുള്ള സർവീസുകൾ ദീർഘിപ്പിച്ചും ഫ്രീക്വൻസി വർധിപ്പിച്ചും ട്രെയിനുകളെ സൂപ്പർഫാസ്റ്റാക്കി മാറ്റിയുമെല്ലാം വലിയ മാറ്റങ്ങളാണ് പോയ വര്ഷം ഇന്ത്യൻ റെയിൽവേ നടപ്പിലാക്കിയത്. വിവിധ റെയിൽവേ സോണുകളിലുടനീളം
