ദ്വാരക :തിരുബാലസംഖ്യത്തിന്റെ വാർഷികാഘോഷത്തിനോടനുബന്ധിച്ച് ചെറുപുഷ്പ മിഷൻലീഗ് മാനന്തവാടി രൂപത നടത്തിയ ജീസസ് കിഡ്സ് ഫെസ്റ്റിൽ ചുങ്കക്കുന്ന് മേഖലയ്ക്കും കല്ലോടി ശാഖയ്ക്കും കിരീടം. കല്ലോടി മേഖല രണ്ടാം സ്ഥാനവും, കൽപ്പറ്റ , ബത്തേരി മേഖലകൾ മൂന്നാം സ്ഥാനവും കരസ്ഥമാക്കി. ഏറ്റവും കൂടുതൽ പോയിന്റ് നേടി കല്ലോടി, കൊട്ടിയൂർ,നെടുമ്പാല ശാഖകൾ യഥാക്രമം ഒന്നും രണ്ടും മൂന്നും സ്ഥാനങ്ങൾക്ക് നേടിയെടുത്തു.ദ്വാരക ഫൊറോന റവ.ഫാ.ഷാജു മുളകുടിയാങ്കൽ വിജയികൾക്ക് ട്രോഫികൾ വിതരണം ചെയ്തു.രൂപതാ ഡയറക്ടർ ഫാദർ മനോജ് അമ്പലത്തിങ്കൽ ,ബിനീഷ് തുമ്പിയാംകുഴിയിൽ തങ്കച്ചൻ മാപ്പിളക്കുന്നേൽ രഞ്ജിത് മുതുപ്ലാക്കൽ, സി. ക്രിസ്റ്റീന എഫ്സിസി, അജീറ്റ കന്നുകെട്ടിയേൽ , സജി കുഴികാട്ടുക്കുന്നേൽ, ജോമോൻ മണപ്പാട്ട് , അരുൺ പേഴകാട്ടിൽ, നിമ്മി മൂലനിരപ്പേൽ, എന്നിവർ നേതൃത്വം നൽകി.
കടുവകൾ കാടുവിടുന്നു; നാലുമാസത്തിനിടെ 10 കടുവകളെ പിടികൂടി
പുൽപള്ളി : കടുവ സംരക്ഷണപ്രവർത്തനങ്ങൾക്ക് വെല്ലുവിളി സൃഷ്ടിച്ച് കടുവകൾ കാടുവിടുന്നു. ബന്ദിപ്പൂർ, നാഗർഹൊള കടുവസങ്കേതങ്ങളുടെ അതിർത്തി പ്രദേശങ്ങളിൽനിന്നു കഴിഞ്ഞ 4 മാസത്തിനിടെ വനപാലകർ പിടികൂടിയത് 10 കടുവകളെ. മുൻപെങ്ങുമുണ്ടാവാത്ത ഒരുപ്രതിഭാസമാണിതെന്നു കടുവസംരക്ഷണ അതോറിറ്റിയും വിലയിരുത്തുന്നു.
