ബംഗളൂരു: ദസറ, ദീപാവലി ഉത്സവ കാലത്ത് ബംഗളൂരുവില്‍ നിന്നും കേരളത്തിലേക്ക് റെയില്‍വേ 2 സ്‌പെഷ്യല്‍ ട്രെയിന്‍ സര്‍വീസ് നടത്തുവാന്‍ തീരുമാനമായി. യശ്വന്ത്പുര്‍-കണ്ണൂര്‍, കന്യാകുമാരി-ബംഗളൂരു (ഐലന്‍ഡ് എക്‌സ്പ്രസ്) റൂട്ടിലാണ് ട്രെയിന്‍ സര്‍വീസ് നടത്തുക. ഒക്ടോബര്‍ 20 മുതല്‍ നവംബര്‍ 30 വരെയാണ് സര്‍വീസ് നടത്തുക. ബുക്കിങ് ഉടന്‍ ആരംഭിക്കും.
ഈ ട്രെയിനുകള്‍ കോവിഡിനെ തുടര്‍ന്ന് സര്‍വീസ് നിറുത്തി വെച്ചിരിക്കുകയായിരുന്നു. നിലവില്‍ ബംഗളൂരുവില്‍ നിന്നും കേരളത്തിലേക്ക് ട്രെയിന്‍ സര്‍വീസ് ഒന്നും ഇല്ല. മറ്റു സംസ്ഥാനങ്ങളില്‍ നിന്ന് കേരളത്തിലേക്ക് ട്രെയിന്‍ സര്‍വീസ് ആരംഭിച്ചിട്ടും ബംഗളൂരു – കേരള റൂട്ടില്‍ ട്രെയിന്‍ ഒന്നും തന്നെ സര്‍വീസ് ആരംഭിക്കാത്തത് വലിയ പ്രതിഷേധത്തിനു കാരണമായിരുന്നു.
ബംഗളൂരുവിലെ വിവിധ മലയാളി സംഘടനകള്‍ ഈ ആവശ്യമുന്നയിച്ചു റെയില്‍വേ ഉദ്യോഗസ്ഥര്‍ക്ക് കഴിഞ്ഞ ആഴ്ച്ച നിവേദനം നല്‍കിയിരുന്നു. എന്നാല്‍, ഒന്നരമാസത്തേക്ക് പ്രത്യേക വണ്ടികളായി ഓടിക്കുമ്പോള്‍ ഉയര്‍ന്ന ടിക്കറ്റ് നിരക്ക് ഈടാക്കും എന്നാണ് അറിയുന്നത്.
യശ്വവന്ത്പുര്‍-കണ്ണൂര്‍ എക്‌സ്പ്രസ്, ഐലന്‍ഡ് എക്‌സ്പ്രസ് എന്നീ ട്രെയിനുകള്‍ പ്രതി ദിന സര്‍വീസ് നടത്തുമെന്ന റെയില്‍വേ തീരുമാനം ബംഗളൂരു മലയാളികള്‍ക്ക് ആശ്വാസകരമാണ്.
ഒഴിവാക്കുക! ഈ മൂന്ന് ഭക്ഷണങ്ങൾ നിങ്ങളുടെ മുഖത്ത് വേഗത്തിൽ പ്രായക്കൂടുതല്‍ തോന്നിപ്പിക്കും
ചര്‍മ്മത്തിന്‍റെ ആരോഗ്യം സംരക്ഷിക്കാനായി ഭക്ഷണകാര്യത്തില്‍ ഏറെ ശ്രദ്ധ വേണം. പഞ്ചസാര അടങ്ങിയ ഭക്ഷണങ്ങള്‍, സംസ്കരിച്ച ഭക്ഷണങ്ങള്‍, അമിതമായി കൊഴുപ്പ് അടങ്ങിയ ഭക്ഷണങ്ങള്‍ തുടങ്ങിയവയൊക്കെ ചര്‍മ്മത്തെ മോശമാക്കുകയും മുഖത്ത് പ്രായം തോന്നിക്കാന്‍ കാരണമാവുകയും ചെയ്യും. അത്തരത്തില്‍
