എം.എസ്.എസ്.ഐ.പി പ്രഖ്യാപനം മാർച്ച് 18 ശനിയാഴ്ച

മാനന്തവാടി: കോവിഡ് കാലത്ത് വിവിധ കാരണങ്ങളാൽ അക്ഷരഭ്യാസം ലഭിക്കാതെ പോയ കുട്ടികൾക്ക് പ്രത്യേക പരിശീലനം നൽകി മുഖ്യധാരയിലെത്തിക്കുന്നതിനുള്ള വിദ്യാർത്ഥി പരിപോഷണ പരിപാടിയുടെ സമ്പൂർണ്ണ പ്രഖ്യാപനം മാർച്ച് 18ന് ഉച്ചയ്ക്ക് മാനന്തവാടിയിൽ ഒ ആർ.കേളു എം..എൽ.എ നിർവ്വഹിക്കും.
സംസ്ഥാനത്ത് തന്നെ ഈ പദ്ധതി നടപ്പിലാക്കിയത് മാനന്തവാടി ഉപജില്ലയിലാണ്. ഒരു കുട്ടി പോലും എഴുത്തും വായനയും അറിയാതെ പഠനത്തിൽ പ്രയാസമനുഭവിക്കാതിരിക്കാനുള്ള പദ്ധതിയാണ് ഒരോ സ്കൂളുകളും ഏറ്റെടുത്തത്.ഇതിൻ്റെ സ്കൂൾ തലവും പഞ്ചായത്ത്തലവുമുള്ള പ്രഖ്യാപനം പൂർത്തിയാക്കി കഴിഞ്ഞു.ജില്ലാ പഞ്ചായത്ത് പ്രസിഡൻ്റ് സംഷാദ് മരക്കാർ, സി.കെ ര ത്നവല്ലി, ജസ്റ്റിൻ ബേബി വിദ്യാഭ്യാസ ഉദ്യോഗസ്ഥർ എന്നിവർ പങ്കെടുക്കുമെന്ന് വാർത്താ സമ്മേളനത്തിൽ എ.ഇ.ഒ.ഗണേഷ് എം.എം, ഫ്രാൻസിസ് സേവ്യർ, രമേശൻ ഏഴോക്കരൻ, കെ.ജി ജോൺസൺ, വി.പി പ്രേംദാസ്, കെ.കെ.പ്രേമചന്ദ്രൻ, അജയകുമാർ.എ, മുരളീദാസ് .പി, സുബൈർ ഗദ്ദാഫി തുടങ്ങിയവർ പങ്കെടുത്തു