യേശുക്രിസ്തുവിന്റെ പീഡാ സഹനത്തിന്റെയും രക്ഷാകരമായ കുരിശു മരണത്തിന്റെയും സ്മരണകളിൽ ഭീമൻ കുരിശുമായി യുവാക്കൾ. മാനന്തവാടി മുതിരേരി ലിറ്റിൽ ഫ്ലവർ ദേവാലയത്തിൽ ദുഃഖവെള്ളിയോടനുബന്ധിച്ച് നടത്തിയ പാപപരിഹാര യാത്രയിലാണ് 400 കിലോ ഭാരമുള്ള മരകുരിശുമായി കെസിവൈഎം നേതൃത്വത്തിൽ കെസിവൈഎം അംഗങ്ങളും യുവജനങ്ങളും വിശ്വാസികളും പങ്കെടുത്തത്.
ദേവാലയത്തിൻ്റെ മുന്നിലെ കുരിശടിയിൽ നിന്നും രാവിലെ 9 മണിക്ക് ആരംഭിച്ച പാപപരിഹാരയാത്ര മലമുകളിൽ 12 മണിക്കാണ് സമാപിച്ചത്. ഫാ.റ്റിനോ പാമ്പയ്ക്കൽ (CST) മലമുകളിൽ സന്ദേശം നൽകി. കുരിശിന്റെ വഴിക്ക് ശേഷം നേർച്ച കഞ്ഞി വിതരണം നടത്തി. ഇടവക വികാരി ഫാ.വിൻസന്റ് കൊരട്ടി പറമ്പിൽ, സിസ്റ്റർ ബിനെറ്റ്, സിസ്റ്റർ പ്രേമ, സിസ്റ്റർ ആൻസി, കെസിവൈഎം പ്രസിഡന്റ് അതുൽ, സെക്രട്ടറി സോണി, കൈക്കാരൻന്മാരായ തങ്കച്ചൻ പാറയിൽ, അപ്പച്ചൻ മടത്തിപറമ്പിൽ, ബേബി എറുമഗലത്ത്, ഷാജി കപ്പലമാക്കൽ, ഷിബു കണ്ടത്തിൽ, സന്തോഷ് കൈതമറ്റം എന്നിവർ നേതൃത്വം നൽകി. കുരിശടിയിൽ പ്രാരംഭ പ്രാർത്ഥന ചൊല്ലി മുന്നേറിയ കാൽവരി യാത്രയിൽ നൂറുകണക്കിന് വിശ്വാസികൾ പങ്കെടുത്തു.
യുവജന കമ്മീഷൻ സംസ്ഥാനതല ചെസ് മത്സരം ഒക്ടോബര്‍ ഏഴിന്
ദേശീയ യുവജന ദിനാഘോഷത്തോടനുബന്ധിച്ച് സംസ്ഥാന യുവജന കമ്മീഷന്‍ യുവജനങ്ങള്‍ക്കായി സംസ്ഥാനതല ചെസ് മത്സരം സംഘടിപ്പിക്കുന്നു. ഒക്ടോബര്‍ ഏഴിന് കണ്ണൂര്‍ കൃഷ്ണ മേനോന്‍ സ്മാരക ഗവ. വനിത കോളജില്‍ മത്സരം സംഘടിപ്പിക്കും. ആദ്യ മൂന്ന് സ്ഥാനക്കാര്‍ക്ക്
