വാഷിങ്ടൺ: ട്വിറ്ററിന്റെ പ്രശസ്തമായ പക്ഷിയുടെ ലോഗോ തിരിച്ച് കൊണ്ടുവന്ന് സിഇഒ ഇലോൺ മസ്ക്. ഈയിടെയാണ് നീല നിറത്തിലുളള പക്ഷിയുടെ ലോഗോ മാറ്റി ‘ഷിബ ഇനു ഡോഗ്’ എന്ന ഡോജ് ഡോഗ് പുതിയ ലോഗോ ആക്കിയിരുന്നത്.
എന്നാൽ ഇപ്പോൾ പഴയ ലോഗോ ആയ പക്ഷിയുടെ ലോഗോ തന്നെ തിരിച്ച് കൊണ്ട് വന്നിരിക്കുകയാണ് മസ്ക് ഇപ്പോൾ. ഇലോൺ മസ്ക് ഒരു മീമിലൂടെ മാറ്റത്തെക്കുറിച്ച് ട്വീറ്റ് ചെയ്യുകയും ഒരു പഴയ ട്വിറ്റർ സംഭാഷണത്തിന്റെ സ്ക്രീൻഷോട്ടുകൾ പങ്കുവെക്കുകയും ചെയ്തിരുന്നു.
മൈക്രോ ബ്ലോഗിങ് സൈറ്റിന്റെ ഡെസ്ക്ടോപ്പ് വേർഷനിൽ മാത്രമാണ് മാറ്റം കൊണ്ടു വന്നിരുന്നത്.
അതിൽ ഒരു ട്വിറ്റർ ഉപയോക്താവ് തന്നോട് സോഷ്യൽ മീഡിയ പ്ലാറ്റ്ഫോം വാങ്ങാനും അതിന്റെ ലോഗോ ‘ഡോജ്’ ആക്കാനും ആവശ്യപ്പെട്ടിരുന്നു. അതിന് മറുപടിയായിട്ടാണ് എലോൺ മസ്ക് പക്ഷിയുടെ ലോഗോ സ്വീകരിച്ചത് എന്ന വാർത്തയും സമൂഹ മാധ്യമങ്ങളിലെ ചർച്ചാ വിഷയമായിരുന്നു.
ഡോജ് എന്നത് 2013ൽ പ്രചാരത്തിലായ ഒരു ഇന്റർനെറ്റ് മീം ആണ്. മീമിൽ സാധാരണയായി ഷിബ ഇനു എന്ന ഇനത്തിൽ പെടുന്ന നായയുടെ ചിത്രമാണ് ഉള്ളത്.
2010ൽ വൈറലായ ഒരു ചിത്രത്തിൽ നിന്നാണ് ഈ മീം ഉണ്ടായത്. ആ വർഷം ഡിസംബറിൽ ഡോജിന്റെ ചിത്രം വെച്ച് ഒരു ക്രിപ്റ്റോകറൻസി കോയിൻ വരെ ലോഞ്ച് ചെയ്തിരുന്നു. ‘ഡോജ്കോയിൻ’ എന്നാണ് അത് അറിയപ്പെട്ടിരുന്നത്.
2013 അവസാനത്താടെ ഷിബ ഇനു ശ്രദ്ധേയനായി നിരവധി ഓൺലൈൻ വോട്ടെടുപ്പ് കമ്മിറ്റിയും മീഡിയ ഔട്ട്ലെറ്റുകളും ആ വർഷത്തെ മികച്ച ഇന്റർനെറ്റ് മീമുകളിലൊന്നായി ഡോജിനെ അംഗീകരിക്കുകയും ചെയ്തു. ഇപ്പോഴും പല സാമൂഹ്യ മാധ്യമങ്ങളിൽ ഈ ഡോജ് മീം പ്രചരിക്കുന്നുണ്ട്.
