മുട്ടിൽ : മനുഷ്യ ബന്ധങ്ങൾ സൗഹൃദത്തിലൂടെ നിലനിർത്തിക്കൊണ്ട് ഏക മാനവിക സമൂഹത്തെ സൃഷ്ടിക്കാനാണ് വേദഗ്രന്ഥങ്ങൾ ആവശ്യപ്പെടുന്നത്. അതിനു വിരുദ്ധമായി വെറുപ്പിന്റെ രാഷ്ട്രീയമുപയോഗിച്ചുകൊണ്ട് മാനവികതയെ തകർക്കുന്ന ഫാസിസ്റ്റ് തന്ത്രങ്ങളെ കരുതിയിരിക്കണമെന്ന് കെ. എൻ. എം സംസ്ഥാന ഉപാധ്യക്ഷൻ കെ.എം സൈതലവി അഭിപ്രായപ്പെട്ടു. ജാതീയതയും വർഗീയതയും വേദഗ്രന്ഥങ്ങൾക്ക് അന്യമാണെന്നും വർഗീയമായി ചിന്തിക്കുന്നത് മത വിരുദ്ധമാണെന്നും അദ്ദേഹം കൂട്ടിച്ചേർത്തു.
സ്വാഗതസംഘം ചെയർമാൻ എസ് അബ്ദുൽ സലീം അധ്യക്ഷതവഹിച്ചു. ഐ. എസ് .എം സംസ്ഥാന പ്രസിഡണ്ട് സഹൽ കെ , കെ .എൻ .എം സംസ്ഥാന സെക്രട്ടറി അബ്ദുൽ ലത്തീഫ് കരുമ്പിലാക്കൽ, കെ. എൻ .എം ജില്ലാ സെക്രട്ടറി അബ്ദുസ്സലാം സ്വലാഹി, ഡോ. റഫീഖ് ഫൈസി, ബഷീർ സലാഹി , ഷെരീഫ് കാക്കവയൽ എന്നിവർ പ്രസംഗിച്ചു.
വൈദ്യുതി മുടങ്ങും
വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ കാപ്പുംകുന്ന് – പിള്ളേരി റോഡ്, പാതിരിച്ചാല്‍ – 7/4 റോഡ് പ്രദേശങ്ങളില്‍ നാളെ(സെപ്റ്റംബര്‍ 12) രാവിലെ 8.30 മുതല്‍ വൈകിട്ട് അഞ്ച് വരെ വൈദ്യുതി വിതരണം ഭാഗികമായി മുടങ്ങും.
