കമ്പളക്കാട്: ആരോഗ്യ ഗ്രൂപ്പ് അഞ്ചാം വാര്‍ഷികാഘോഷത്തിന്റെ ഭാഗമായി ആരോഗ്യ ഹോസ്പിറ്റലില്‍ മെഡിക്കല്‍ ക്യാമ്പും 14നു നടത്തുന്ന രക്തദാന ക്യാമ്പിന്റെ പ്രചാരണാര്‍ഥം വയനാട് ബൈക്കേഴ്‌സ് ക്ലബുമായി സഹകരിച്ചു സൈക്കിള്‍ റാലിയും നടത്തി. വ്യാപാരി വ്യവസായി ഏകോപന സമിതിയുടെയും നവോദയ ഗ്രന്ഥശാലയുടെയും സഹകരണത്തോടെയാണ് രക്തദാന ക്യാമ്പ്.
മെഡിക്കല്‍ ക്യാമ്പ് ഉദ്ഘാടനം കണിയാമ്പറ്റ പഞ്ചായത്ത് പ്രസിഡന്റ് കമല രാമന്‍ നിര്‍വഹിച്ചു. വൈസ് പ്രസിഡന്റ് ബിനു ജേക്കബ് അധ്യക്ഷത വഹിച്ചു. വിദ്യാഭ്യാസ അവാര്‍ഡ് വിതരണം സുമ ടീച്ചര്‍ നിര്‍വഹിച്ചു. നവോദയ ഗ്രന്ഥശാല പ്രസിഡന്റ് പി.സി. മജീദ് രക്തദാന സന്ദേശം നല്‍കി. ആരോഗ്യ ഗ്രൂപ്പ് ഡയറക്ടര്‍മാരായ ഡോ.മുഹമ്മദ് സാജിദ്, ഇബ്‌നു ബാസ്, സി. രവീന്ദ്രന്‍, അസ്‌ലം ബാവ, ഡോ.അമ്പി ചിറയില്‍ തുടങ്ങിയവര്‍ പങ്കെടുത്തു.
ചുരത്തിലെ ഗതാഗതം ഭാഗികമായി പുനസ്ഥാപിച്ചു
വയനാട് ചുരം വ്യൂ പോയിന്റിൽ മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റിൽ കുടുങ്ങിയ വാഹനങ്ങൾ അടിവാരത്തേക്ക് എത്തിക്കുകയും തുടർന്ന് അടിവാരത്ത് കുടുങ്ങിയ വാഹനങ്ങൾ വ്യൂ പോയിൻ്റ് ഭാഗത്തേക്ക് കയറ്റി വിടും.
