ശക്തമായ മഴയെത്തുടർന്ന് കമ്പളക്കാടിൽ കിണർ ഇടിഞ്ഞു താഴ്ന്നു. കൊയിഞ്ഞങ്ങാടിലെ പഞ്ചായത്ത് കിണറാണ് ഇടിഞ്ഞത്. ബുധനാഴ്ച വൈകീട്ടാണ് സംഭവം. കിണറിനരികിലെ മണ്ണിടിഞ്ഞ് കിണർ താഴുകയായിരുന്നു. സംഭവ സമയം പ്രദേശത്തെ പതിനാറുകാരിയായ കുട്ടിയും പിതാവും സമീപത്തുണ്ടായിരുന്നു. അപ്രതീക്ഷിതമായി മണ്ണിടിഞ്ഞതോടെ കുട്ടി കിണറിന്റെയും മണ്ണിന്റെയും ഇടയിലേക്ക് വീണു. ഉടൻ നാട്ടുകാർ ഓടിക്കൂടി കുട്ടിയെ രക്ഷപ്പെടുത്തി. വീഴ്ചയിൽ കുട്ടിക്ക് നിസ്സാര പരിക്കേറ്റു. തുടർന്ന് സുരക്ഷയുടെ ഭാഗമായി നാട്ടുകാർ കിണറിന് ചുറ്റും കയർകെട്ടിയിരിക്കുകയാണ്. പ്രദേശത്തെ ഒട്ടേറെ കുടുംബങ്ങൾക്ക് ആശ്രയമായ കിണറാണിത്.
‘എയിംസ് അടക്കം യാഥാര്ത്ഥ്യമാക്കണം’; ബജറ്റിന് മുന്നോടിയായി കേന്ദ്രത്തിന് മുന്നില് ആവശ്യങ്ങളുമായി കേരളം
ന്യൂഡൽഹി: കേന്ദ്ര ബജറ്റ് അവതരിപ്പിക്കാൻ ദിവസങ്ങൾ മാത്രം ബാക്കി നിൽക്കേ കേന്ദ്ര ധനമന്ത്രി നിർമല സീതാരാമന് മുന്നിൽ ആവശ്യങ്ങളുമായി കേരളം. കേന്ദ്ര ബജറ്റിന് മുന്നോടിയായി നടത്തിയ ധനകാര്യ മന്ത്രിമാരുടെ യോഗത്തിലാണ് ധനകാര്യ മന്ത്രി കെ
