രവീന്ദ്രൻ കരുമത്തിലിനെ വയനാട് ടൂറിസം ഓർഗനൈസേഷൻ ആദരിച്ചു.

കൽപ്പറ്റ : വയനാട്ടിലെ മുതിർന്ന ടൂറിസം സംരംഭകൻ രവീന്ദ്രൻ കരുമത്തിലിനെ വയനാട് ടൂറിസം ഓർഗനൈസേഷൻ ആദരിച്ചു. സ്പ്ലാഷ് മഴ മഹോത്സവത്തിൻ്റെയും ഡബ്ല്യം.ടി.ഒ.യുടെയും സ്ഥാപകരിലൊരാളാണ് രവീന്ദ്രൻ കരുമത്തിൽ .കൽപ്പറ്റ പുളിയാർമല കൃഷ്ണ ഗൗഡർ ഹാളിൽ നടന്ന ചടങ്ങിൽ കലക്ടർ ഡോ.രേണു രാജ് ഉപഹാരം സമ്മാനിച്ചു. 2009 -ൽ മഴ മഹോത്സവം ആരംഭിച്ചപ്പോൾ പത്തിൽ താഴെ ആളുകൾ മാത്രമെ ഉണ്ടായിരുന്നുള്ളൂവെന്ന് പതിനൊന്നാം എഡിഷൻ ആയപ്പോഴേക്കും പതിനായിരങ്ങൾ ഇതിൻ്റെ ഭാഗമായതിൽ സന്തോഷമുണ്ടന്ന് രവീന്ദ്രൻ കരുമത്തിൽ പറഞ്ഞു
ഡബ്ല്യൂ.ടി.ഒ. പ്രസിഡണ്ട് കെ.ആർ.വാഞ്ചീരൻ അധ്യക്ഷത വഹിച്ചു.