കൽപ്പറ്റ ഭാവി തലമുറയെ ആത്മീയതയിലും ദീനീബോധത്തിലും പിടിച്ചു നിർത്തുന്ന രക്ഷിതാക്കൾക്ക് നിർബന്ധമായ ദൗത്യം തുച്ഛമായ വേതനത്തിൽ നിർവഹിക്കുന്നവരാണ് മുഅല്ലിം സമൂഹമെന്നും ഈ സുകൃത സമൂഹത്തെ ആദരിക്കപ്പെടേണ്ടതാണെന്നും എസ്.എം.എഫ് ജില്ലാ ജനറൽ സെക്രട്ടറി പി.സി ഇബ്രാഹിം ഹാജി പറഞ്ഞു. മുഅല്ലിം ഡേയുടെ ഭാഗമായി കമ്പളക്കാട് മദ്റസത്തുൽ അൻസാരിയ്യയിൽ നടന്ന ആദരിക്കൽ ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കമ്മിറ്റി ജനറൽ സെക്രട്ടറി പി.ടി അശ്റഫ് ഹാജി അദ്ധ്യക്ഷനായി. കെ.മുഹമ്മദ് കുട്ടി ഹസനി മുഅല്ലിം ഡേ സന്ദേശം നൽകി. ദീർഘ കാലം അൻസാരിയ്യയിൽ അധ്യാപകരായി സേവനം ചെയ്ത വൈത്തിരി സി.അബൂബക്കർ മുസ്ലിയാർ, വി.പി കുഞ്ഞാലൻ മുസ്ലിയാർ, വി.കെ മോയിൻ മുസ്ലിയാർ, കിഴക്കയിൽ മൊയ്തുട്ടി ഹാജി എന്നിവരെയും ദീർഘകാലമായി മഹല്ല് മദ്റസാ സംവിധാനങ്ങൾക്കുവേണ്ടി നിസ്വാർഥ സേവനം ചെയ്യുന്ന കല്ലിങ്ങൽ ഹംസ ഹാജിയെയും ചടങ്ങിൽ ഷാളണിയിച്ചും മൊമന്റോ നൽകിയും ആദരിച്ചു. കമ്മിറ്റി ഭാരവാഹികളായ സി.എച്ച് ഹംസ ഹാജി, കെ.കെ മുത്തലിബ് ഹാജി, വി.പി ശുക്കൂർ ഹാജി, സി.എച്ച് മൊയ്തു ഹാജി, വി.പി യൂസഫ് ഹാജി, കോരൻ കുന്നൻ ഷാജി , വി.പി അബ്ദുസ്സലീം നേതൃത്വം നൽകി. സ്വദ്ർ മുഅല്ലിം ഹാരിസ് ബാഖവി ആമുഖം നടത്തി. ടൗൺ ഖത്തീബ് നജീം ബാഖവി പ്രാർഥനക്ക് നേതൃത്വം നൽകി. ശംസുദ്ദീൻ വാഫി സ്വാഗതവും സാജിദ് വാഫി നന്ദിയും പറഞ്ഞു.
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
