കല്‍പ്പറ്റ: കല്‍പ്പറ്റ നഗരസഭയുടെ ലഭ്യമായ വിഭവങ്ങളും മനുഷ്യശേഷിയും മറ്റുപ്രത്യേകതകളും കണക്കിലെടുത്ത് ജനപങ്കാളിത്തത്തോടെ സുസ്ഥിര വികസനലക്ഷ്യത്തില്‍ ഊന്നി ഇരുപത് വര്‍ഷത്തേയ്ക്കുള്ള വികസന പദ്ധതികള്‍ഉള്‍പ്പെടുത്തി നഗരാസൂത്രണ മാസ്റ്റര്‍ പ്ലാന്‍ തയ്യാറാക്കുന്നതിന്റെ ഭാഗമായിഗൂഡലായ്ക്കുന്ന് ഫുട്ബാള്‍ ടര്‍ഫില്‍ വെച്ച് വികസന സെമിനാര്‍ നടത്തി.നഗര സഭാ ചെയര്‍മാന്‍ കേയംതൊടി മുജീബ് സെമിനാര്‍ ഉദ്ഘാടനം ചെയ്തു. നഗരസഭാ വൈസ് ചെയര്‍പേഴ്‌സണ്‍ അജിത കെ ആദ്ധ്യക്ഷത വഹിച്ചു
നഗരസഭാ സെക്രട്ടറിഅലി അസഹുര്‍ സ്വാഗതം പറയുകയും സ്‌റാന്റിംഗ് കമ്മിറ്റിചെയര്‍മാന്‍ മാര്‍ ആശംസകള്‍ അറിയിക്കുകയും ചെയ്തു. ടൌണ്‍ പ്ലാനര്‍ ഡോ.ആതിര രവി, ഡെപ്യൂട്ടി ടൌണ്‍ പ്ലാനര്‍ രഞ്ജിത്ത് കെ എസ് എന്നിവര്‍ മാസ്റ്റര്‍പ്ലാന്‍ രൂപീകരണത്തിന്റെ വിവിധ ഘട്ടങ്ങള്‍ അവതരിപ്പിച്ചു. ശേഷം നടന്നചര്‍ച്ചയില്‍ വിവിധ രാഷ്ട്രീയ കക്ഷി നേതാക്കള്‍, ജനപ്രതിനിധികള്‍, സംഘടനാ പ്രതിനിധികള്‍ പൊതുജനങ്ങള്‍ തുടങ്ങിയവര്‍ കല്പറ്റയുടെ വികസനത്തിനായി നഗരവികസനം, വികസന പദ്ധതികള്‍, ഗതാഗത സൌകര്യം. പാര്‍ക്കിംഗ്, പാര്‍പ്പിടം, കുടിവെള്ളം, കൃഷി, വ്യവസായം തുടങ്ങി വിവിധ മേഖലകളിലെ തങ്ങളുടെ കാഴ്ചപ്പാടുകള്‍ പങ്കുവെച്ചു. ഓഗസ്റ്റ് 15 വരെ നിര്‍ദ്ദേശങ്ങള്‍നഗരസഭയിലോ ടൌണ്‍ പ്ലാനിങ് ഓഫീസിലോ നേരിട്ടോ masterplanwyd@gmail.comഎന്ന ഇമെയില്‍ വിലാസത്തിലോ സമര്‍പ്പിക്കാവുന്നതാണ്.
