ഇന്ത്യയില് ഏറ്റവും കൂടുതല് ആരാധകരുള്ള താരങ്ങളുള്ള ഇടമാണ് തെന്നിന്ത്യ. അടുത്തകാലത്തായി തെന്നിന്ത്യന് ചിത്രങ്ങള് ബോളിവുഡ് ചിത്രങ്ങളെക്കാള് നേട്ടവും ഉണ്ടാക്കുന്നുണ്ട്. രജനികാന്ത്, ചിരഞ്ജീവി, മോഹൻലാല്, മമ്മൂട്ടി, കമല്ഹാസന് ഇങ്ങനെ ഒരേ സമയം പ്രതിഭ സമ്ബന്നവും താരപ്രഭയിലുമാണ് തെന്നിന്ത്യന് സിനിമ രംഗം. ജനപ്രീതി താരങ്ങള്ക്ക് സിനിമകള്, അംഗീകാരങ്ങള്, മറ്റ് ബിസിനസ്സുകള് എന്നിവയിലൂടെ ധാരാളം പണം സമ്ബാദിക്കാന് അവസരം നല്കുന്നു എന്നത് ഒരു രഹസ്യമല്ല. ഇത്തരത്തില് തെന്നിന്ത്യയില് ഏറ്റവും സമ്ബന്നനായ താരം ആരാണ്?
മുകളില് പറഞ്ഞ പേരുകളിലോ, അല്ലെങ്കില് പുത്തന് നിരയിലെ ഒരു താരമോ അല്ല തെന്നിന്ത്യന് സിനിമയിലെ ഏറ്റവും സമ്ബന്നന്. ഒരു സിനിമയ്ക്ക് 100 കോടി രൂപ പ്രതിഫലം വാങ്ങുന്ന നടനുമല്ല അദ്ദേഹം. നാഗാര്ജുന അക്കിനേനിയാണ് ദക്ഷിണേന്ത്യന് സിനിമ രംഗത്തെ ഏറ്റവും സമ്ബന്നന്. കഴിഞ്ഞ മൂന്ന് പതിറ്റാണ്ടായി വിജയകരമായ തെലുങ്ക് സിനിമ രംഗത്ത് ഇദ്ദേഹമുണ്ട്. ഹിന്ദി സിനിമകളിലും അദ്ദേഹം പ്രത്യക്ഷപ്പെട്ടിട്ടുണ്ട്, കൂടാതെ സിനിമകളുടെയും മറ്റ് ബിസിനസ്സുകളിലൂടെയും 3000 കോടിയിലധികം ആസ്തി ഇദ്ദേഹത്തിനുണ്ടെന്നാണ് റിപ്പോര്ട്ട് പറയുന്നത്. സൂം ടിവിയുടെ ഒരു റിപ്പോര്ട്ട് പ്രകാരം 2022-ല് അദ്ദേഹത്തിന്റെ ആസ്തി 3010 കോടി രൂപയിലധികമായിരുന്നു.
63 വയസുകാരനായ നാഗാര്ജുന ഒരു ചിത്രത്തിന് ഒന്പത് കോടി മുതല് 20 കോടിവരെയാണ് പ്രതിഫലം വാങ്ങുന്നത്. പരസ്യങ്ങള്ക്കും ബ്രാന്റ് പ്രമോഷനും മറ്റും ഇദ്ദേഹം 2 കോടി രൂപയോളം വാങ്ങുന്നുണ്ട്. ഇതിന് പുറമേ വിജയകരമായ ഏറെ ബിസിനസ് സംരംഭങ്ങളും നിക്ഷേപങ്ങളും ഇദ്ദേഹത്തിനുണ്ട്. ഒരു സമയത്ത് തെലുങ്ക് വിനോദ ചാനല് മാ ടിവി ഇദ്ദേഹത്തിന്റെതായിരുന്നു. എന്നാല് പിന്നീട് ഇത് സ്റ്റാര് നെറ്റ്വര്ക്കിന് വിറ്റു. അന്നപൂര്ണ്ണ സ്റ്റുഡിയോ എന്ന പ്രൊഡക്ഷന് ഹൌസും, സ്റ്റുഡിയോയും ഇദ്ദേഹത്തിന്റെതാണ്. ഇദ്ദേഹത്തിന് ഹൈദരാബാദ് ഹൈടെക് സിറ്റിയില് ഒരു കണ്വെന്ഷന് സെന്റര് സ്വന്തമായി ഉണ്ട്. അതിനൊപ്പം തന്നെ ഹൈദരാബാദില് ഒരു മീഡിയ സ്കൂളും ഇദ്ദേഹം നടത്തുന്നുണ്ട്.
നാഗാര്ജുന ഈ ലിസ്റ്റില് ഒന്നാം സ്ഥാനത്ത് നില്ക്കുമ്ബോള് മറ്റ് സൂപ്പര്താരങ്ങളും വലിയ സമ്ബദ്യവുമായി ഈ ലിസ്റ്റില് അടുത്ത സ്ഥാനങ്ങളിലുണ്ട്. തെലുങ്ക് താരം വെങ്കിടേഷും, ചിരഞ്ജീവിയുമാണ് രണ്ടും മൂന്നും സ്ഥാനങ്ങളില് 2200 കോടിയും, 1650 കോടിയുമാണ് റിപ്പോര്ട്ട് പ്രകാരം ഇവരുടെ സ്വത്ത്. ചിരഞ്ജീവിയുടെ മകന് രാംചരണ് ആണ് നാലാം സ്ഥാനത്ത് 1370 കോടിയാണ് ഇദ്ദേഹത്തിന്റെ സ്വത്ത്.ജൂനിയര് എന്ടിആര് (450 കോടി), ദളപതി വിജയ് (445 കോടി), രജനികാന്ത് (430 കോടി), കമല്ഹാസന് (388 കോടി), മോഹന്ലാല് (376 കോടി), അല്ലു അര്ജുന് (350 കോടി) എന്നിങ്ങനെയാണ് തുടര്ന്ന് ലിസ്റ്റ് വരുന്നത് എന്നതാണ് സൂം റിപ്പോര്ട്ട് പറയുന്നത്.
