കല്‍പ്പറ്റ: ടി.വി അച്യുതവാര്യര്‍ പുരസ്‌കാരം മനോരമ ന്യൂസ് സീനിയര്‍ ക്യാമറാമന്‍ (വയനാട്) സന്തോഷ് എസ് പിള്ള ഏറ്റുവാങ്ങി. തൃശ്ശൂര്‍ പ്രസ്സ് ക്ലബ്ബില്‍ നടന്ന ചടങ്ങില്‍ മന്ത്രി വീണാ ജോര്‍ജ്ജ് പുരസ്‌കാരം സമ്മാനിച്ചു.’മനുഷ്യനും വന്യജീവിയും’എന്ന വിഷയത്തിലെ വാര്‍ത്താദൃശ്യങ്ങളാണ് അവാര്‍ഡിന് പരിഗണിച്ചത്. പ്രശസ്ത പത്രപ്രവര്‍ത്തകനും എക്‌സ്പ്രസ് മുന്‍ പത്രാധിപരുമായിരുന്ന ടി.വി അച്യുതവാര്യരുടെ സ്മരണാര്‍ത്ഥം തൃശ്ശൂര്‍ പ്രസ്സ്‌ക്ലബ്ബാണ് പുരസ്‌കാരങ്ങള്‍ നല്‍കുന്നത്. പത്രങ്ങളിലെ മികച്ച വാര്‍ത്താ ചിത്രത്തിനുള്ള പുരസ്‌കാരം കോട്ടയം മാതൃഭൂമിയിലെ സീനിയര്‍ ഫോട്ടോഗ്രാഫര്‍ ജി ശിവപ്രസാദും ഏറ്റുവാങ്ങി.
നോര്‍ക്ക റൂട്ട്‌സ് സാന്ത്വന അദാലത്ത് സംഘടിപ്പിച്ചു.
ജില്ലയില്‍ പ്രവാസി ദുരിതാശ്വാസ നിധിയായ സാന്ത്വന പദ്ധതി മുഖേന അദാലത്ത് സംഘടിപ്പിച്ചു. പനമരം ബ്ലോക്ക് പഞ്ചായത്ത് ഹാളില്‍ നടന്ന അദാലത്തില്‍ 41 പ്രവാസികളുടെ ചികിത്സ, വിവാഹ, മരണന്തര ധനസഹായ അപേക്ഷകളില്‍ വിവരശേഖരണം പൂര്‍ത്തിയാക്കി. സര്‍ക്കാര്‍
