പെയിൻ ആൻഡ് പാലിയേറ്റീവ് ജില്ലാ കോ ഓർഡിനേഷൻ കമ്മിറ്റിയുടെ അഭിമുഖ്യത്തിൽ പാലിയേറ്റീവ് വൊളണ്ടിയേഴ്‌സ് അഗതികളുടെയും അനാഥകളുടെയും സ്നേഹവീടായ പിണങ്ങോട് പീസ് വില്ലേജിലെ കൂടപ്പിറപ്പുകളോടൊപ്പം ഓണം ആഘോഷിച്ചു.കോ ഓർഡിനേഷൻ കമ്മിറ്റി ജില്ലാ പ്രസിഡന്റ് അസൈനാർ പനമരം ഉദ്ഘാടനം ചെയ്തു.വനിതാ വിംഗ് പ്രസിഡണ്ട്‌ പി ശ്രീകുമാരി അധ്യക്ഷത വഹിച്ചു.
ഉറ്റവരാലും ഉടയവരാലും പുറം തള്ളപ്പെട്ട സഹോദരങ്ങൾക്ക് ഒരു ദിവസമെങ്കിലും ഒറ്റപ്പെടലിന്റെ നെടുവീർപ്പിന് ആശ്വാസം നൽകുക എന്നതായിരുന്നു ലക്ഷ്യം.അവർക്ക് മനസ്സിന് ആനന്ദം നൽകുകയും അവരോടൊത്ത് ഓണ സദ്യ കഴിക്കുകയും അവരെ കേൾക്കുകയും ചെയ്തു.
2023 ഓഗസ്റ്റ് 16 ബുധനാഴ്ച രാവിലെ 10 മണിക്ക് പാലിയേറ്റീവ് വൊളണ്ടിയറും പീസ് വില്ലേജിലെ കെയർ ടേക്കറുമായ രജിതയുടെയും സുഹൃത്തിന്റെയും പ്രാർത്ഥനാ ഗാനത്തോടെ പരിപാടി ആരംഭിച്ചു.വൈകീട്ട് 4 മണി വരെനീണ്ട പരിപാടിയിൽ കാരുണ്യ പ്രവർത്തിയിൽ വേറിട്ട മാതൃകയായ വെള്ളമുണ്ട പാലിയേറ്റീവ് നേഴ്സ് ജെസ്സിക്ക് DMO ഡോ. ദിനീഷ് ഉപഹാരം നൽകി ആദരിച്ചു.
പീസ് വില്ലേജ് സെക്രട്ടറി മുസ്തഫമാസ്റ്റർ, PRO കെസിയ മരിയ, സൂപ്പർവൈസർ അബ്ദുള്ള,നാസർ പുൽപ്പള്ളി, ഷമീം പാറക്കണ്ടി, മനോജ്‌ പനമരം, അനിൽ കൽപ്പറ്റ, മറിയം ബാബു, ഷർമിന, ആലിയ എടവക, കെ ടി. കുഞ്ഞബ്ദുള്ള പടിഞ്ഞാറത്തറ, ജില്ലാ സെക്രട്ടറി വേലായുധൻ ചുണ്ടേൽ, വനിതാ വിംഗ് സെക്രട്ടറി ശാന്തി തുടങ്ങിയവർ സംസാരിച്ചു.
പ്രഗത്ഭ ഗസൽ ഗായകനും ജൂനിയർ ഉദിദ് നാരായണൻ എന്നറിയപ്പെടുന്ന നിസാർ വയനാടും സുഹൃത്ത് സിഹാബ് വയനാടും അവതരിപ്പിച്ച ഗാനമേള പരിപാടിയുടെ മാറ്റ് കൂട്ടി. സ്ഥാപനത്തിലെ അന്തേ വാസികൾ പാട്ടുകൾ പാടുകയും എല്ലാം മറന്ന് ഗാനങ്ങൾക്കൊപ്പം നൃത്തം ചെയ്ത് അവരുടെ സന്തോഷമറിയിച്ചതും വേറിട്ട അനുഭവമായിരുന്നു.
