സംസ്ഥാന വിനോദ സഞ്ചാര വകുപ്പ്, ജില്ലാ ടൂറിസം പ്രൊമോഷന്‍ കൗണ്‍സില്‍, ജില്ലാ ഭരണകൂടം, തദ്ദേശ സ്വയംഭരണ സ്ഥാപനങ്ങള്‍ എന്നിവയുടെ സംയുക്താഭിമുഖ്യത്തില്‍ ജില്ലയിലെ വിവിധ കേന്ദ്രങ്ങളില്‍ ഓണം വാരാഘോഷം സംഘടിപ്പിക്കും. ജില്ലാതല ഉദ്ഘാടനം ആഗസ്റ്റ് 27 ന് വൈകിട്ട് 4.30 ന് മാനന്തവാടി പഴശ്ശി പാര്‍ക്കില്‍ ഒ.ആര്‍. കേളു എം.എല്‍.എ നിര്‍വഹിക്കും. ചടങ്ങില്‍ മാനന്തവാടി നഗരസഭ ചെയര്‍പേഴ്‌സണ്‍ സി.കെ രത്‌നവല്ലി അദ്ധ്യക്ഷത വഹിക്കും. ഡെസ്റ്റിനേഷന്‍ മാനേജ്‌മെന്റ് കൗണ്‍സിലുകള്‍, ടൂറിസം ക്ലബ്ബുകള്‍, ടൂറിസം ഓര്‍ഗനൈസേഷനുകള്‍, കുടുബശ്രി, മറ്റ സന്നദ്ധ സംഘടകള്‍ എന്നിവയുടെ സഹകരണത്തോടെയാണ് ആഗസ്റ്റ് 27 മുതല്‍ സെപ്തംബര്‍ 2 വരെ വിവിധ കലാ സാംസ്‌കാരിക പരിപാടികള്‍ സംഘടിപ്പിക്കുക. ഓണം വാരാഘോഷം സമാപന സമ്മേളനം ആഗസ്റ്റ് 31 ന് അഡ്വ.ടി സിദ്ദിഖ് എം.എല്‍.എ ഉദ്ഘാടനം ചെയ്യും.
പകിട്ടേകാൻ കലാവിരുന്ന്
ഓണം വാരാഘോഷങ്ങള്‍ക്ക് മാറ്റ് കൂട്ടാന്‍ വിവധ കലാപരിപാടികളും മത്സരങ്ങളും നടക്കും. മാനന്തവാടി പഴശ്ശി പാര്‍ക്കില്‍ ആഗസ്റ്റ് 26 ന് രാവിലെ 9 ന് മെഗാ പൂക്കളം, 27 ന് വൈകിട്ട് 4 ന് മാനന്തവാടി വജ്രജൂബിലി ഫെലോഷിപ്പ് കലാകാരന്മാര്‍ അവതരിപ്പിക്കുന്ന തായമ്പക, 5 ന് സിഡിഎസ് മാനന്തവാടി അവതരിപ്പിക്കുന്ന തിരുവാതി, 5.4 5 ന് മോഹിനിയാട്ടം, തിരുനെല്ലി ഗോത്രകലാസംഘം അവതരിപ്പിക്കുന്ന തിടമ്പ്, 7 ന് കണ്ണൂര്‍ പുന്നാട് പൊലിക അവതരിപ്പിക്കുന്ന നാടന്‍ കലാ ആവിഷ്‌കാരം പുന്നാട് പൊലികയും നടക്കും. ആഗസ്റ്റ് 28 ന് വൈകിട്ട് 4 ന് വജ്രജൂബിലി ഫെല്ലോഷിപ്പ് കലാകാരന്മാര്‍ തെയ്യം അവതരിപ്പിക്കും. വൈകിട്ട് 6 ന് എടവക ഗ്രാമപഞ്ചായത്ത് ടീം അവതരിപ്പിക്കുന്ന കൈകൊട്ടിക്കളി, 6.15 ന് കേരള നടനം, 6.30 ന് ഓടകുഴല്‍ ഗീതാലാപനം, വൈകിട്ട് 7 ന് മ്യൂസിക്കല്‍ ഈവ്, എന്നിവ നടക്കും. ആഗസ്റ്റ് 30 ന് കല്‍പ്പ ചന്ദ്രഗിരി ഓഡിറ്റോറിയത്തില്‍ രാവിലെ 9 ന് പൂക്കള മത്സരം, വൈകിട്ട് 4 ന് ഇരുചക്രവാഹനത്തില്‍ പ്രച്ഛന്ന വേഷം, തോല്‍പ്പാവക്കൂത്ത്, ബാംബു മ്യൂസിക് എന്നിവ നടക്കും. ആഗസ്റ്റ് 31 ന് രാവിലെ
കല്‍പ്പറ്റ എസ്.കെ.എം.ജെ ഗ്രൗണ്ടില്‍ രാവിലെ 9 ന് വടംവലി, വൈകിട്ട് 4 ന് ഷൂട്ടൗട്ട്, 5 ന് മോഹിനിയാട്ടം, ഭരതനാട്യം, 6 ന് മ്യൂസിക്കല്‍ നൈറ്റ് എന്നിവ നടക്കും. മത്സരങ്ങളില്‍ പങ്കെടുക്കുന്നതിന് ശനിയാഴ്ച(ഇന്ന്) വൈകിട്ട് 5 നകം രിജിസ്റ്റര്‍ ചെയ്യണം. ഇരുചക്ര വാഹന പ്രച്ഛന്നവേഷം-9447297627, പൂക്കള മത്സരം-9947310389, വടംവലി-9847884242, ഷൂട്ടൗട്ട് -9746976359.
