ഇലക്ട്രിക് ടു വീലര്‍ സെഗ്മെന്റിലും അവയുടെ നിര്‍മ്മാണത്തിലും നിരവധി ബ്രാൻഡുകള്‍ ഉണ്ടെങ്കിലും, ഇന്റേണല്‍ കംബഷൻ എഞ്ചിൻ (ICE) -ല്‍ നിന്ന് ഇവിയിലേക്കും പരിവര്‍ത്തനത്തില്‍ അല്ലെങ്കില്‍ കണ്‍വേര്‍ഷനില്‍ ചുരുങ്ങിയ ചില സംരംഭങ്ങള്‍ മാത്രമാണ് പ്രവര്‍ത്തിക്കുന്നത്. ഈ ഗ്രൂപ്പില്‍, മുൻനിര ബ്രാൻഡുകളില്‍ ഒന്നാണ് മുംബൈ ആസ്ഥാനമായുള്ള ഇവി സ്റ്റാര്‍ട്ട് അപ്പായ GoGoA1.കമ്ബനിയുടെ പ്രാരംഭ പ്രൊഡക്ടുകള്‍ക്ക് മികച്ച പ്രതികരണം ലഭിച്ചതിനാല്‍, GoGoA1 ഇപ്പോള്‍ അതിന്റെ പ്രവര്‍ത്തനങ്ങള്‍ വിപുലീകരിക്കാനുള്ള ഒരുക്കങ്ങളിലാണ്.
GoGoA1 തങ്ങളുടെ പ്രവര്‍ത്തനം ആരംഭിച്ചപ്പോള്‍, തെരഞ്ഞെടുത്ത കുറച്ച്‌ മോഡലുകള്‍ക്ക് മാത്രമായിരുന്നു ഇവി കണ്‍വേര്‍ഷൻ കിറ്റുകള്‍ ലഭ്യമാക്കിയിരുന്നത്. ഇത് ഒരുപരിധി വരെ ഒരു ലിമിറ്റിംഗ് ഫാക്ടറായി പരിണമിച്ചു. മിക്ക ടു-വീലര്‍ മോഡലുകളും കവര്‍ ചെയ്യപ്പെടുമ്ബോള്‍ മാത്രമേ ICE-ടു-EV കണ്‍വേര്‍ഷൻ ആശയത്തിന്റെ മുഴുവൻ സാധ്യതകളും കൈവരിക്കാനാവൂ. GoGoA1 ഇപ്പോള്‍ ശ്രദ്ധ കേന്ദ്രീകരിക്കുന്നത് ഇതിലാണ്. അടിസ്ഥാന പ്ലാറ്റ്‌ഫോം പൂര്‍ണ്ണമായിക്കഴിഞ്ഞാല്‍, വിവിധ 2-വീലര്‍ മോഡലുകള്‍ക്കായി ഇവി കണ്‍വേര്‍ഷൻ കിറ്റുകള്‍ തയ്യാറാക്കാനാകും. ഓരോ മോഡലിനും ചില ചെറിയ മാറ്റങ്ങള്‍ മാത്രമേ ഉണ്ടാകൂ, അവ അനായാസം കൈകാര്യം ചെയ്യാൻ കഴിയും എന്ന് നിര്‍മ്മാതാക്കള്‍ വ്യക്തമാക്കുന്നു.
RTO അംഗീകൃതമാണ് എന്നതാണ് ഇരുചക്രവാഹനങ്ങള്‍ക്കായുള്ള GoGoA1 ഇവി കണ്‍വേര്‍ഷൻ കിറ്റുകളുടെ ഏറ്റവും വലിയ പ്ലസ് പോയിന്റ്. അതിനാല്‍, ഉപഭോക്താക്കള്‍ തങ്ങളുടെ കണ്‍വേര്‍ട്ട് ചെയ്ത ഇരുചക്ര വാഹനങ്ങള്‍ക്ക് അംഗീകാരം ലഭിക്കുന്നതിന് റീജണല്‍ ട്രാൻസ്പോര്‍ട്ട് ഓഫീസുകളില്‍ (RTO) സമയം ചെലവഴിക്കേണ്ടതില്ല എന്നത് ശ്രദ്ധേയമാണ്. GoGoA1 ഇവി കണ്‍വേര്‍ഷൻ കിറ്റുകള്‍ ഇപ്പോള്‍ 50 -ലധികം ജനപ്രിയ മോഡലുകള്‍ക്കായി ലഭ്യമാണ്. റോഡുകളില്‍ സാധാരണയായി നാം കാണുന്ന മിക്ക 2-വീലര്‍ ബ്രാൻഡുകളും ഇതില്‍ ഉള്‍ക്കൊള്ളുന്നതായി തോന്നുന്നു. ഹീറോ-ഹോണ്ട, ഹോണ്ട, ഹീറോ മോട്ടോകോര്‍പ് തുടങ്ങിയ മിക്ക മുൻനിര ഇരുചക്ര വാഹന ബ്രാൻഡുകള്‍ക്കും GoGoA1 ഇവി കണ്‍വേര്‍ഷൻ കിറ്റുകള്‍ ലഭ്യമാണ്.
ഹോണ്ട ആക്ടിവ സ്കൂട്ടറിന്റെ അഞ്ച് വ്യത്യസ്ത വകഭേദങ്ങള്‍ ഉള്‍പ്പെടെ മോട്ടോര്‍ സൈക്കിളുകള്‍ക്കും സ്കൂട്ടറുകള്‍ക്കും ഇവി കണ്‍വേര്‍ഷൻ കിറ്റുകള്‍ കമ്ബനി വാഗ്ദാനം ചെയ്യുന്നുണ്ട്. GoGoA1 ഇവി കണ്‍വേര്‍ഷൻ കിറ്റുകള്‍ വളരെ എളുപ്പത്തിലുള്ള ഇൻസ്റ്റേളേഷനും ലോംഗ് ബാറ്ററി ലൈഫും വാഗ്ദാനം ചെയ്യുന്നു. കമ്ബനി തങ്ങളുടെ ഇവി കണ്‍വേര്‍ഷൻ കിറ്റുകള്‍ക്കും ഘടകങ്ങള്‍ക്കുമായി പേറ്റന്റ് ഡിസൈൻ ഉപയോഗിക്കുന്നു.
ഇലക്ട്രിക് സ്‌കൂട്ടറുകള്‍ റെന്റിന് നല്‍ക്കുന്നത് ഉള്‍പ്പടെയുള്ള മറ്റ് അനുബന്ധ സെഗ്‌മെന്റുകളിലേക്കും കമ്ബനി പ്രവര്‍ത്തനങ്ങള്‍ വ്യാപിച്ചിട്ടുണ്ട്. അത് കൂടാതെ GoGoA1 കാര്‍ ഇലക്ട്രിക് കണ്‍വേര്‍ഷൻ കിറ്റുകളും ബാറ്ററി സ്വാപ്പിംഗ് സംവിധാനങ്ങളും വാഗ്ദാനം ചെയ്യുന്നു. GoGoA1 ഇവി കണ്‍വേര്‍ഷൻ കിറ്റിന്റെ വിലകള്‍ ഔദ്യോഗിക വെബ്‌സൈറ്റില്‍ നിര്‍മ്മാതാക്കള്‍ സൂചിപ്പിച്ചിട്ടുണ്ട്.
ഉദാഹരണത്തിന്, ഹോണ്ട ആക്ടിവയുടെ കണ്‍വേര്‍ഷൻ കിറ്റുകളില്‍ ഒന്നിന് 19,000 രൂപയാണ് വില വരുന്നത്. ബാറ്ററി, IoT, ചാര്‍ജര്‍ എന്നിവയ്ക്ക് പ്രത്യേക ചാര്‍ജുകള്‍ ഉണ്ട്. ഒരു മോട്ടോര്‍സൈക്കിള്‍ കണ്‍വേര്‍ഷൻ കിറ്റിന്റെ വില എന്നത് 29,999 രൂപയാണ്. ബാറ്ററി, IoT, ചാര്‍ജര്‍, RTO ചെലവുകള്‍ എന്നിവ അധികമായിരിക്കും. വാഹനത്തിന്റെ പെര്‍ഫോമെൻസും റേഞ്ചും ഉപഭോക്താക്കള്‍ തെരഞ്ഞെടുക്കുന്ന കിറ്റിന്റെ ടൈപ്പിനെ ആശ്രയിച്ചിരിക്കും.
GoGoA1 വരും വര്‍ഷങ്ങളില്‍ കണ്‍വേര്‍ഷനുകള്‍ക്ക് വലിയ ഡിമാൻഡ് പ്രതീക്ഷിക്കുന്നു. കൊമേര്‍ഷ്യല്‍ ആവശ്യങ്ങള്‍ക്കായി ഉപയോഗിക്കുന്ന ഇരുചക്രവാഹനങ്ങളില്‍ 100 ശതമാനം വൈദ്യുതീകരണം സര്‍ക്കാര്‍ നിര്‍ബന്ധമാക്കിയതാണ് ഈ ശുഭാപ്തി വിശ്വാസത്തിനു പിന്നിലുള്ള ഒരു കാരണം. 2027 -ഓടെ ഈ ലക്ഷ്യം കൈവരിക്കേണ്ടതുണ്ട്. ആയിരക്കണക്കിന് തൊഴിലവസരങ്ങള്‍ സൃഷ്ടിക്കാൻ വൻതോതിലുള്ള ഇവി പരിവര്‍ത്തനങ്ങളും കണ്‍വേര്‍ഷനുകളും സഹായിക്കുമെന്ന് GoGoA1 കരുതുന്നു.
