ഇശ്ഖുന്നബി ’23:കമ്പളക്കാട്ടെ നബിദിനാഘോഷം;ലോഗോ പ്രകാശനം ചെയ്തു

കമ്പളക്കാട് : ഇസ്സത്തുൽ ഇസ് ലാം സംഘം സൗത്ത് സോണൽ കമ്മിറ്റിയുടെ നേതൃത്വത്തിൽ നടത്തപ്പെടുന്ന വിശ്വ പ്രവാചകർ മുഹമ്മദ് നബി (സ) യുടെ 1498-ാമത് ജന്മദിനാഘോഷ പ്രോഗ്രാമിന്റെ ലോഗോ പ്രകാശനം കമ്മിറ്റി സെക്രട്ടറി പി.ടി അശ്റഫ് ഹാജിക്ക് നൽകി കെൽട്രോൺ വളവ് ജുമാ മസ്ജിദ് ഖത്തീബ് കെ.മുഹമ്മദ് കുട്ടി ഹസനി നിർവഹിച്ചു. സ്വദ്ർ മുഅല്ലിം സി.പി ഹാരിസ് ബാഖവി അദ്ധ്യക്ഷനായി. ഈ മാസം22 മുതൽ 27 വരെ ഒരാഴ്ചക്കാലം നീണ്ടു നിൽക്കുന്ന ആഘോഷ പരിപാടികളാണ് കമ്മിറ്റി ആസൂത്രണം ചെയ്തിരിക്കുന്നത്. സ്വാഗത സംഘവും വിവിധ സബ് കമ്മിറ്റികളും രൂപീകരിച്ച് പ്രവർത്തനങ്ങൾ ആരംഭിച്ചു കഴിഞ്ഞു. ടൗൺ ഖത്തീബ് നജീം ബാഖവി , കമ്മിറ്റി ഭാരവാഹികളായ കെ.കെ മുത്തലിബ് ഹാജി , പത്തായകോടൻ മൊയ്തു ഹാജി വി.പി യൂസഫ് ഹാജി , അസ് ലം ബാവ , ജംഷീദ് കിഴക്കയിൽ , ശംസുദീൻ വാഫി , അനസ് ദാരിമി സംബന്ധിച്ചു
സ്വാഗത സംഘം കൺവീനർ കോരൻ കുന്നൻ ഷാജി സ്വാഗതവും സാജിദ് വാഫി നന്ദിയും പറഞ്ഞു.