സ്പാര്‍ക്ക് വിദ്യാഭ്യാസ പദ്ധതിയുടെ ഭാഗമായി നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പ് പരീക്ഷയ്ക്കുള്ള പരിശീലനം തുടങ്ങി. കല്‍പ്പറ്റ നിയോജക മണ്ഡലത്തിലെ എല്ലാ വിദ്യാലയങ്ങളിലും സ്‌ക്രീനിംഗ് ടെസ്റ്റ് നടന്നു. 1100 ല്‍ അധികം വിദ്യാര്‍ത്ഥികളാണ് പരീക്ഷ എഴുതിയത്. പരീക്ഷയില്‍ നിശ്ചിത ശതമാനം സ്‌കോര്‍ നേടുന്ന വിദ്യാര്‍ത്ഥികള്‍ക്ക് വിദഗ്ദരുടെ നേതൃത്വത്തില്‍ സൗജന്യ പരിശീലനം നല്‍കും. നാഷണല്‍ ടാലന്റ് സേര്‍ച്ച് എക്‌സാം, കേന്ദ്ര സര്‍വകലാശാലകളിലേക്കുള്ള മത്സര പരീക്ഷയായ സി.യു.ഇ.ടി, സിവില്‍ സര്‍വീസ് ഫൗണ്ടേഷന്‍, യു എസ് എസ് എന്നിവയുടെ സൗജന്യ പരിശീലനവും ഉടന്‍ തുടങ്ങും. വിവിധ മത്സര പരീക്ഷകള്‍ക്ക് പരിശീലനം നല്‍കിയും ഭൗതിക സാഹചര്യങ്ങളൊരുക്കിയും വിദ്യാഭ്യാസ മേഖലയില്‍ കാതലായ മാറ്റങ്ങള്‍ ലക്ഷ്യമിടുന്നതാണ് സ്പാര്‍ക്ക് പദ്ധതി.
അതിഥി തൊഴിലാളികള്‍ താമസിക്കുന്ന കെട്ടിടങ്ങളുടെ സുരക്ഷ ഉറപ്പാക്കണം
അതിഥി തൊഴിലാളികള്‍ താമസിക്കുന്ന കെട്ടിടങ്ങള്‍ സുരക്ഷിതമാണെന്ന് കെട്ടിട ഉടമകള്‍ ഉറപ്പാക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു. കെട്ടിടത്തിന്റെ ബലഹീനതയാല്‍ ഉണ്ടാവാന്‍ സാധ്യതയുള്ള അപകടങ്ങള്‍ ഒഴിവാക്കുന്നതിനാണ് നിര്‍ദ്ദേശം. ജില്ലാ ലേബര്‍ ഓഫീസറൂടെ നേതൃത്വത്തില്‍ പ്ലാന്റേഷന്‍ ഇന്‍സ്‌പെക്ടര്‍,
