ശ്രദ്ധേയമായി വെള്ളമുണ്ട സെൻ്റ് ആൻസ് ഇംഗ്ലീഷ് മീഡിയം പബ്ലിക് സ്കൂളിലെ ഗ്രാൻഡ് പേരൻസ് ഡേ. തികച്ചും മാതൃകാ പരമായ ഈ ചടങ്ങിൽ 750 ഓളം ഗ്രാൻഡ് പാരൻസാണ് ചടങ്ങിൽ പങ്കെടുത്തത്.
മാതാപിതാക്കൾ ജോലിക്ക് പോകുന്ന സാഹചര്യത്തിൽ പലപ്പോഴും പേരക്കുട്ടികൾക്ക് സംരക്ഷണമാകുന്നത് ഗ്രാൻഡ് പേരെന്റ്സ് തന്നെയാണ്. സ്കൂളിലെ വിശേഷങ്ങളും കൊച്ചു കൊച്ചു സന്തോഷങ്ങളുമെല്ലാം പങ്കുവയ്ക്കാൻ കൂട്ടുകാരെ പോലെ ഇവർ തന്നെയാണ് കൂടെ ഉണ്ടാവുക. അതുകൊണ്ട് തന്നെ തങ്ങളുടെ കൊച്ചുമക്കൾ പഠിക്കുന്ന സ്കൂൾ കാണുവാനും അവരുടെ കലാപരിപാടികൾ ആസ്വദിക്കാനും അവസരം ഒരുക്കുകയായിരുന്നു ഗ്രാൻഡ് പേരൻസ് ഡേയിലൂടെ വെള്ളമുണ്ട സെൻ്റ് ആൻസ് ഇംഗ്ലീഷ് മീഡിയം പബ്ലിക് സ്ക്കൂൾ. എല്ലാ കുട്ടികളും ഗ്രാൻഡ്പാരൻസിന് ഗ്രീറ്റിംഗ് കാർഡുകൾ തയ്യാറാക്കി നൽകുകയും പ്രത്യേക സമ്മാനങ്ങൾ കൈമാറുകയും ചെയ്തു. ഗ്രാൻ്റ് പേരൻസിനെ പ്രമേയമാക്കിയ ഡാൻസുകളും സ്കിറ്റുകളും നടത്തി. പുതു തലമുറക്ക് മാതൃകയാവും വിധം ശ്രദ്ധേയമായിരുന്നു ചടങ്ങുകൾ. ഗ്രാൻറ് പാരൻസ് മാറ്റി നിർത്തപ്പെടേണ്ടവരല്ല ചേർത്ത് നിർത്തേണ്ടവരാണെന്നുള്ള ഒരു ഓർമ്മപ്പെടുത്തൽ കൂടി ആയിരുന്നു ഈ ചടങ്ങ്.
ഉദ്ഘാടന ചടങ്ങിൽ സ്കൂൾ പ്രിൻസിപ്പൾ ഫാദർ ഷാജി മേക്കര സ്വാഗതം പറഞ്ഞു. റിട്ടയേർഡ് പോലീസ് സൂപ്രണ്ട് പ്രിൻസ് എബ്രഹാം മുഖ്യാതിഥി ആയിരുന്നു. പി.ടി.എ പ്രസിഡണ്ട് ജോസഫ് പൈനാട്ട്, ഗ്രാൻഡ് പാരൻസ് പ്രതിനിധിയായി ഷംസുദ്ദീൻ മാസ്റ്റർ, സ്കൂൾ വൈസ് പ്രിൻസിപ്പൽ ഫാദർ അരുൺ കല്ലിങ്കൽ ,സ്റ്റാഫ് സെക്രട്ടറി മെസിന മാഡം, മറ്റു അദ്ധ്യാപകർ തുടങ്ങി നിരവധി പേർ പങ്കെടുത്തു.
