ക്ഷീരകര്ഷകര്ക്ക് കറവ സംരക്ഷണ പദ്ധതിയുടെ ഭാഗമായി കാലിത്തീറ്റ വിതരണം തുടങ്ങി. പുല്പ്പള്ളി ഗ്രാമപഞ്ചായത്ത് പ്രസിഡന്റ് ടി.എസ് ദിലീപ് കുമാര് ഉദ്ഘാടനം ചെയ്തു. വൈസ് പ്രസിഡന്റ് ശോഭന സുകു അധ്യക്ഷത വഹിച്ചു. വികസനകാര്യ സ്ഥിരം സമിതി അധ്യക്ഷന് എം.ടി കരുണാകരന് മുഖ്യപ്രഭാഷണം നടത്തി. പുല്പ്പള്ളി ഗ്രാമപഞ്ചായത്തിന്റെ 2023-24 വാര്ഷിക പദ്ധതിയില് ഉള്പ്പെടുത്തി തെരഞ്ഞെടുക്കപ്പെട്ട 500 ക്ഷീര കര്ഷകര്ക്കാണ് പദ്ധതിയുടെ ആനുകൂല്യം ലഭിക്കുക. പ്രതിമാസം 100 കിലോ കാലിത്തീറ്റ എന്ന ക്രമത്തില് ഒക്ടോബര്, നവംബര്, ഡിസംബര് മാസങ്ങളിലായി മൂന്നുമാസം കാലിത്തീറ്റ വിതരണം ചെയ്യും. 25 ലക്ഷത്തോളം രൂപയാണ് ഇതിനായി വകയിരുത്തിയത്. 50 ശതമാനം തുക ഗുണഭോക്താക്കള് അടയ്ക്കണം. ആരോഗ്യ വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് ജോളി നരിതൂക്കില്, വാര്ഡ് മെമ്പര്മാരായ ജോഷി ചാരുവേലില്, രാജു തോണിക്കടവ്, ബാബു കണ്ടത്തിന്കര, പുല്പ്പള്ളി ക്ഷീരസംഘം പ്രസിഡന്റ് ബൈജു നമ്പിക്കൊല്ലി, പുല്പ്പള്ളി മൃഗാശുപത്രി സീനിയര് വെറ്റിനറി സര്ജന് ഡോ കെ.എസ് പ്രേമന്, ലൈവ് സ്റ്റോക്ക് ഇന്സ്പെക്ടര് പി.കെ സുനിത തുടങ്ങിയവര് സംസാരിച്ചു.
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
