എൻഎസ്എസ് സ്നേഹ ഭവന നിർമ്മാണം: സ്വാഗതസംഘം രൂപീകരിച്ചു

തരുവണ ഗവ: ഹയർ സെക്കണ്ടറി സ്കൂളിലെ പ്ലസ് ടു വിദ്യാർത്ഥിനിക്ക് നാഷണൽ സർവീസ് സ്കീം ജില്ലാതലത്തിൽ നിർമ്മിച്ചു നൽകുന്ന സ്നേഹഭവനത്തിൻ്റെ നിർമ്മാണവുമായ് ബന്ധപ്പെട്ട് സ്വാഗതസംഘം രൂപീകരിച്ചു. സ്കൂൾ പ്രിൻസിപ്പാൾ ജെസ്സി അധ്യക്ഷത വഹിച്ചു. നാഷണൽ സർവീസ് സ്കീം ജില്ലാ കോ-ഓർഡിനേറ്റർ ശ്യാൽ കെ എസ്, വാർഡ് മെമ്പർ രജിത വിജയൻ, ക്ലസ്റ്റർ കൺവീനർമാരായ സാജിദ് പി കെ , സുദർശൻ കെ ഡി , മദർ പിടിഎ പ്രസിഡൻ്റ് ശ്രീജ എം, പ്രോഗ്രാം ഓഫീസർ അശോകൻ വിവിധ രാഷ്ട്രീയ പാർടി പ്രതിനിധികൾ തുടങ്ങിയവർ പങ്കെടുത്തു. വാർഡ് മെമ്പർ രജിത വിജയൻ ചെയർമാനും, ശ്യാൽ കെ എസ് കൺവീനറുമായ കമ്മറ്റി രൂപീകരിച്ചു.