ബോളിവുഡില്‍ റിലീസിന് ഒരുങ്ങുന്നതില്‍ ഏറെ ഹൈപ്പുള്ള സിനിമയാണ് ടൈഗര്‍ 3. സല്‍മാൻ ഖാൻ നായകനായി എത്തുന്ന ചിത്രം സംവിധാനം ചെയ്യുന്നത് മനീഷ് ശര്‍മ്മയാണ്. ചിത്രം നവംബര്‍ 12ന് തിയറ്റില്‍ എത്തും. കത്രീന കൈഫ് നായികയായി എത്തുന്ന ചിത്രം ആക്ഷൻ രംഗങ്ങളും ചേസിങ്ങുകളാലും സമ്ബന്നമായിരിക്കുമെന്ന് നേരത്തെ വന്ന അപ്ഡേറ്റുകളില്‍ നിന്നും വ്യക്തമാണ്. ഇന്ത്യൻ സിനിമയിലെ തന്നെ ഏറ്റവും റിസ്കി ആക്ഷൻ സീനുകള്‍ ഉള്ളത് ഈ ചിത്രത്തിലേതെന്നാണ് റിപ്പോര്‍ട്ടുകള്‍.
https://youtu.be/CZh7vDFDxSA
എന്നാല്‍ ഇതൊന്നും അല്ല ടൈഗര്‍ 3യിലെ ഹൈലൈറ്റ്. ടൗവ്വല്‍ ഫൈറ്റ് ആണ്. കത്രീന കൈഫും നടി മിഷയേലും തമ്മിലാണ് ടൗവ്വല്‍ ഫൈറ്റ്. ഇതിന്റെ ഏതാനും സ്റ്റില്ലുകള്‍ കഴിഞ്ഞ ദിവസങ്ങളില്‍ പുറത്തുവന്നിരുന്നു. അതുകൊണ്ടുതന്നെ ഈ രംഗങ്ങള്‍ക്കായി കാത്തിരിക്കുന്നു എന്നാണ് ബോളിവുഡ് സിനിമാസ്വാദകര്‍ പറയുന്നത്. സോയ എന്ന കഥാപാത്രത്തെയാണ് കത്രീന ചിത്രത്തില്‍ അവതരിപ്പിക്കുന്നത്. ബുള്ളറ്റ് ട്രെയിൻ, ബ്ലാക്ക് വിഡോ എന്നീ ചിത്രങ്ങളിലൂടെ ശ്രദ്ധനേടിയ മിഷേല്‍ ലീയാണ് മറ്റൊരു നടി. ഒരുവരും ചേര്‍ന്നാണ് ഒരു ടവ്വലില്‍ ഫൈറ്റ് ചെയ്യുന്നത്. ഷൂട്ടിങ്ങില്‍ ഏറെ ബുദ്ധിമുട്ടേറിയ കടമ്ബയായിരുന്നു ഈ രംങ്ങള്‍ എന്നത് വ്യക്തമാണ്.
2021 സെപ്റ്റംബറില്‍ തുര്‍ക്കിയില്‍ ആണ് ഈ രംഗം ഷൂട്ട് ചെയ്തതെന്ന് അടുത്തിടെ കത്രീന കൈഫ് പറഞ്ഞിരുന്നു. ആക്ഷൻ ഡയറക്ടര്‍ ഓ സീ യങ്ങിന്റെ നേതൃത്വത്തില്‍ കത്രീനയും മിഷേലും ആഴ്‌ചകളോളം തീവ്രപരിശീലനത്തിന് വിധേയരായി. സങ്കീര്‍ണമായ ചലനങ്ങളാണ് അതെന്നും പ്രതിരോധങ്ങളും ലാന്റിംഗ് പ‍്ചുകളും ഏറെ ദുര്‍ഘടം ആയിരുന്നുവെന്നും കത്രീന പറഞ്ഞിരുന്നു. 2019 ശേഷം കത്രീനയും സല്‍മാനും ഒന്നിക്കുന്ന ചിത്രമാണ് ടൈഗര്‍ 3. 300 കോടി ബജറ്റിലാണ് സിനിമ ഒരുങ്ങിയിരിക്കുന്നത്.
