വടുവഞ്ചാൽ:ജി എച്ച് എസ് എസ് വടുവഞ്ചാൽ എൻഎസ്എസ് യൂണിറ്റിന്റെ നേതൃത്വത്തിൽ യുദ്ധത്തിനെതിരായി പ്ലക്കാർഡുകളുമായി സ്കൂൾ അങ്കണത്തിൽ നിന്ന് തോമാട്ടുചാല്‍ ടൗണിലേക്ക് മൗനജാഥ നടത്തി. തുടർന്ന് തോമാട്ടുചാൽ – വടുവഞ്ചാൽ ടൗണുകളിൽ വോളണ്ടിയേഴ്സ് യുദ്ധ വിരുദ്ധ ഫ്ളാഷ് മോബും, മൈമും അവതരിപ്പിക്കുകയും നാടിന് യുദ്ധം ആപത്താണ് എന്ന സന്ദേശം നൽകുകയും ചെയ്തു. എൻ എസ് എസ് വോളണ്ടിയർ ലീഡർ മുഹമ്മദ് അഫ്സൽ കെ യുദ്ധങ്ങളില്ലാത്ത ലോകത്തെ കുറിച്ച് സംസാരിച്ചു കൊണ്ട് പൊതുജനത്തെ പരിപാടിയിലെക്ക് ഹൃദ്യമായി സ്വാഗതം ചെയ്തു.സ്കൂൾ പ്രിൻസിപ്പാൾ മനോജ് കെ. വി പരിപാടി ഉദ്ഘാടനം ചെയ്തു.പ്രോഗ്രാം ഓഫീസർ സുഭാഷ് വി പി യും വോളണ്ടിയർ ലീഡേഴ്സും പരിപാടിക്ക് നേതൃത്വം നൽകി.
ഉള്‍വനത്തിലെ മണ്ണിടിച്ചില്‍ ആശങ്കപ്പെടാനില്ല -ജില്ലാ കളക്ടര്‍
വൈത്തിരി താലൂക്കിലെ വെള്ളരിമല മലവാരം ഭാഗത്തുണ്ടായ മണ്ണിടിച്ചില്‍ ജനവാസ കേന്ദ്രങ്ങളെ ബാധിച്ചിട്ടില്ലെന്ന് ജില്ലാ കളക്ടര്‍ ഡി.ആര്‍.മേഘശ്രീ
