നവകേരളം കര്മപദ്ധതിയില് ഹരിതകേരളം മിഷന്റെ നേതൃത്വത്തില് നടപ്പിലാക്കുന്ന എന്റെ വാര്ഡ് നൂറില് നൂറ് ക്യാമ്പയിനില് മികച്ച നേട്ടം കൈവരിച്ച മീനങ്ങാടി ഗ്രാമപഞ്ചായത്ത് ടീമിനെ ഹരിതകേരളം മിഷന് ആദരിച്ചു. മീനങ്ങാടി ഗ്രാമപഞ്ചായത്ത് ഹാളില് നടന്ന പരിപാടി ജില്ലാ പഞ്ചായത്ത് പ്രസിഡന്റ് സംഷാദ് മരക്കാര് ഉദ്ഘാടനം ചെയ്തു. മീനങ്ങാടി ഗ്രാമ പഞ്ചായത്ത് പ്രസിഡന്റ് കെ. ഇ വിനയന് അധ്യക്ഷത വഹിച്ചു. നവകേരളം ജില്ലാ കോര്ഡിനേറ്റര് സുരേഷ് ബാബു ഹരിതകര്മസേനയെ ആദരിച്ചു. മീനങ്ങാടി പഞ്ചായത്ത് ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് വാസുദേവന് പദ്ധതി വിശദീകരണം നടത്തി. ക്യാമ്പയിനിന്റെ ഭാഗമായി ആകെയുള്ള 19 വാര്ഡുകളിലും 100 ശതമാനം യൂസര് ഫീയും 100 ശതമാനം വാതില്പ്പടി ശേഖരണവും പൂര്ത്തീകരിച്ചു. അജൈവ മാലിന്യങ്ങളും യൂസര് ഫീയും നല്കാത്തതില് ശിക്ഷാ നടപടികളിലേക്കോ പിഴയിലേക്കോ പോകാതെ തന്നെ പൊതുജന സഹകരണത്തോടെ തീര്ത്തും ജനകീയമായി യൂസര് ഫീ നേട്ടം കൈവരിക്കുന്നു എന്നതാണ് ക്യാമ്പയിനിന്റെ പ്രത്യേകത. എല്ലാ തദ്ദേശ സ്വയംഭരണ സ്ഥാപനങ്ങളിലും ക്യാമ്പയിന് പ്രവര്ത്തനങ്ങള് ഊര്ജിതമായി നടന്നു വരുന്നുണ്ട്. നൂറ് ശതമാനം നേട്ടം കൈവരിക്കുന്ന തദ്ദേശ സ്വയംഭരണ സ്ഥാപനങ്ങളിലെ ഹരിത കര്മ്മസേന അംഗങ്ങളെ ഹരിത കേരളം മിഷന്റെ നേതൃത്വത്തില് പ്രത്യേക ചടങ്ങുകള് സംഘടിപ്പിച്ച് ആദരിക്കുന്നുണ്ട്. ജില്ലാ പഞ്ചായത്ത് മെമ്പര് സിന്ധു ശ്രീധരന്, ഗ്രാമ പഞ്ചായത്ത് വൈസ് പ്രസിഡന്റ് കെ. പി നുസ്രത് തുടങ്ങിയവര് സംസാരിച്ചു.
2025ൽ ഏറ്റവും കൂടുതൽ ഇന്ത്യക്കാരെ നാടുകടത്തിയത് അമേരിക്കയല്ല; കണക്കില് സൗദി അറേബ്യ മുന്നില്
ന്യൂഡൽഹി: 2025ൽ 81 രാജ്യങ്ങളിൽ നിന്നായി 24,600 ഇന്ത്യക്കാരെ നാടുകടത്തി. വിവിധ രാജ്യങ്ങൾ ഇന്ത്യക്കാരെ നാടുകടത്തിയതുമായി ബന്ധപ്പെട്ട വിദേശകാര്യ മന്ത്രാലത്തിൻ്റെ കണക്കുകൾ രാജ്യസഭയിൽ വെച്ചു. കണക്കുകൾ പ്രകാരം ഏറ്റവും കൂടുതൽ ഇന്ത്യക്കാരെ നാടുകടത്തിയത് സൗദി
