ലക്കിടി: ലെജൻഡ്സ് ലക്കിടി ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ “ലെജൻഡ്സ് ഫെസ്റ്റിവൽ 2024“ എന്ന പേരിൽ ക്ലബ്ബിന്റെ വാർഷികയോഗവും പുതുവത്സര ആഘോഷവും സംഘടിപ്പിച്ചു. വൈത്തിരി ഗ്രാമ പഞ്ചായത്ത് പ്രസിഡന്റ് വിജേഷ് എംവി ഉദ്ഘാടനം നിർവഹിച്ചു. ലെജൻഡ്സ് ആർട്സ് ആൻഡ് സ്പോർട്സ് ക്ലബ്ബ് പ്രസിഡന്റ് വിജയൻ.കെ അധ്യക്ഷത വഹിച്ച ചടങ്ങിൽ പ്രോഗ്രാം കൺവീനർ റെജീഷ്കുമാർ,പ്രോഗ്രാം ചെയർമാൻ ജെയിൻ ജോസ്,ബ്ലോക്ക് പഞ്ചായത്ത് മെമ്പർ ഉഷാകുമാരി, എട്ടാം വാർഡ് മെമ്പർ ജ്യോതിഷ് കുമാർ, ലെജൻഡ്സ് ക്ലബ്ബ് സെക്രട്ടറി വിനീത് എം ആർ, ലക്കിടി ക്ഷേത്രകമ്മിറ്റി സെക്രട്ടറി അരുൺ ദേവ്, ഷറഫുദ്ധീൻ, നാസർ മുക്കം, വൈത്തിരി സ്കൂൾ അധ്യാപകരായ മോഹനൻ, ഗഫൂർ എന്നിവർ സന്നിഹിതരായിരുന്നു. ലക്കിടി സ്കൂളും പരിസരവും സുന്ദരമാക്കി സ്നേഹാരാമം തീർത്ത വൈത്തിരി ഗവ ഹയർ സെക്കന്ററി സ്കൂളിലെ എൻ എസ് എസ് വളന്റിയർമാർക്ക് ലെജൻഡ്സ് ക്ലബ്ബിന്റെയും നാടിന്റെയും സ്നേഹാദര സൂചകമായി ഉപഹാരം സമർപ്പിച്ചു. പ്രദേശത്തെ മുഴുവൻ ആളുകളെയും ഉൾപ്പെടുത്തി സംഘടിപ്പിച്ച ആവേശോജ്വലമായ പരിപാടിയിൽ വിവിധ കലാപരിപാടികൾ, ഭക്ഷണം, സിംഗേഴ്സ് ഗ്രൂപ്പ് കൽപറ്റ ടീമിന്റെ കരോക്കെ ഗാനമേള, പുതുവർഷ പിറവിയിൽ ആകാശവർണ്ണ കാഴ്ച എന്നിവക്ക് പുറമെ വിവിധ മത്സര-പാനീയ സ്റ്റാളുകളും ലക്കി ഡ്രോ സമ്മാനങ്ങളും ലെജൻഡ്സ് ക്ലബ്ബ് സംഘടക സമിതി ഒരുക്കിയത് പരിപാടിയുടെ മാറ്റ് കൂട്ടുവാൻ കാരണമായി. നാടിന്റെ കൂട്ടായ്മയാണ് ഇത്തരം പരിപാടികളാൽ ക്ലബ്ബ് ലക്ഷ്യം വെക്കുന്നതെന്നും, ജാതിമതരാഷ്ട്രീയ ഭേദമന്യേ വ്യക്തികളുടെയും സ്ഥാപനങ്ങളുടെയും സംഘടനകളുടെയും നിർവ്യാജമായ പരിപൂർണ്ണ സഹകരണമാണ് ക്ലബ്ബിന്റെ വിജയമെന്നും തുടർന്നും കഴിഞ്ഞ വർഷങ്ങളിലെ പോലെ മാതൃകാപരമായ വിവിധ പരിപാടികൾ ഈ വർഷവും നടത്തുവാൻ തീരുമാനിച്ചിട്ടുണ്ടെന്നും ലെജൻഡ്സ് ക്ലബ്ബിലെ ഭാരവാഹികൾ അറിയിച്ചു.
ജനപ്രതിനിധികൾക്ക് ശ്രേയസിന്റെ സ്നേഹാദരം
മലങ്കര യൂണിറ്റിൽ സംഘടിപ്പിച്ച ക്രിസ്തുമസ് പുതുവത്സര ആഘോഷവും ജനപ്രതിനിധികൾക്കുള്ള സ്വീകരണവും യൂണിറ്റ് ഡയറക്ടർ വന്ദ്യ മോൺസിഞ്ഞോർ ഡോ.ജേക്കബ് ഓലിക്കൽ ഉത്ഘാടനം ചെയ്തു.ശ്രേയസ് എക്സിക്യൂട്ടീവ് ഡയറക്ടർ ഫാ.ഡേവിഡ് ആലിങ്കൽ മുഖ്യപ്രഭാഷണം നടത്തി.യൂണിറ്റ് പ്രസിഡന്റ് കെ. എം.പത്രോസ്
