വയനാട് ഗവ.മെഡിക്കല്‍ കോളേജിലെ സിക്കിള്‍സെല്‍ അനീമിയ രോഗികള്‍ക്കായി പ്രത്യേകം സജ്ജീകരിച്ച വാര്‍ഡില്‍ മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി രതീഷ് കളിയാടന്‍ സന്ദര്‍ശനം നടത്തി. ജില്ലയിലെ അരിവാള്‍ രോഗബാധിതരായ കുട്ടികളുടെ വിദ്യാഭ്യാസ, ആരോഗ്യ, സാമൂഹ്യ പുരോഗതി, മാര്‍ഗ്ഗ നിര്‍ദ്ദേശങ്ങള്‍ എന്നിവ സംബന്ധിച്ച് ചര്‍ച്ച ചെയ്യുന്നതിനായി മാനന്തവാടിയില്‍ നടത്തിയ ദ്വിദിന ശില്പശാലയുടെ ഭാഗമായാണ് സന്ദര്‍ശനം. ആശുപത്രിയിലെ ഡോക്ടര്‍മാരുമായും രോഗികളുമായും രതീഷ് കാളിയാടന്‍ സംസാരിച്ചു. 2023 മാര്‍ച്ചിലാണ് നവീകരിച്ച സിക്കിള്‍സെല്‍ അനീമിയ വാര്‍ഡ് പ്രവര്‍ത്തനം തുടങ്ങിയത്. ആരോഗ്യ കേരളം ജില്ലാ പ്രോഗ്രാം മാനേജര്‍ ഡോ. സമീഹ സൈതലവി, ആശുപത്രി സൂപ്രണ്ട് ഡോ. വി.പി രാജേഷ്, ആര്‍.എം.ഒ ഡോ. അര്‍ജുന്‍ ജോസ് തുടങ്ങിയവര്‍ സന്നിഹിതരായിരുന്നു.
സ്‌പോട്ട് അഡ്മിഷന്‍
കേരള മീഡിയ അക്കാദമിയുടെ കൊച്ചി കേന്ദ്രത്തില്‍ ജേണലിസം ആന്‍ഡ് കമ്മ്യൂണിക്കേഷന്‍, ടെലിവിഷന്‍ ആന്‍ഡ് ജേണലിസം, പി.ആര്‍ ആന്‍ഡ് അഡ്വവര്‍ടൈസിങ് പി.ജി ഡിപ്ലോമ കോഴ്‌സുകളില്‍ ഒഴിവുള്ള സീറ്റുകളിലേക്ക് ഇന്ന് (ജൂലൈ 1) രാവിലെ 10 ന്
