തിരുവനന്തപുരം : ഹയര്‍സെക്കന്ററി ഒന്നാം വര്‍ഷ ഇംപ്രൂവ്‌മെന്റ്/ സേ പരീക്ഷാ തിയതികള്‍ പ്രഖ്യാപിച്ചു. അടുത്ത മാസം 18 മുതല്‍ 23 വരെ പരീക്ഷകള്‍ നടക്കും. മാര്‍ച്ചില്‍ എഴുതിയ പരീക്ഷയില്‍ മൂന്ന് വിഷയങ്ങള്‍ വരെ സ്‌കോര്‍ മെച്ചപ്പെടുത്തുന്നതിനും, പരീക്ഷ എഴുതാന്‍ കഴിയാത്ത വിഷയങ്ങളില്‍ അവ എഴുതുന്നതിനും റഗുലര്‍ വിദ്യാര്‍ത്ഥികള്‍ക്ക് ഈ പരീക്ഷയ്ക്ക് രജിസ്റ്റര്‍ ചെയ്യാം.
നവംബര്‍ 16 നാണ് ഫീസ് അടയ്‌ക്കേണ്ട അവസാന തിയതി. 600 രൂപ ഫൈനോടെ 18 വരെ അപേക്ഷ സമര്‍പ്പിക്കാം. റഗുലര്‍, ലാറ്ററല്‍ എന്‍ട്രി വിദ്യാര്‍ത്ഥികള്‍ക്ക് പരീക്ഷാ ഫീസ് ഒരു പേപ്പറിന് 175 രൂപയാണ്. കമ്ബാര്‍ട്ട്‌മെന്റല്‍ വിഭാഗം വിദ്യാര്‍ത്ഥികള്‍ക്ക് പേപ്പറിന് 225 രൂപയാണ് ഫീസ്.
ഗള്‍ഫ് മേഖലയിലെ സ്‌കൂളുകളില്‍ പഠിക്കുന്ന വിദ്യാര്‍ത്ഥികള്‍ക്കും പരീക്ഷയ്ക്ക് രജിസ്റ്റര്‍ ചെയ്യാം. ഇവര്‍ക്ക് യുഎഇയിലുള്ള പരീക്ഷ കേന്ദ്രത്തിലോ, അതാത് വിഷയ കോമ്ബിനേഷനുള്ള കേരളത്തിലെ മറ്റേതെങ്കിലും കേന്ദ്രത്തിലോ പരീക്ഷ എഴുതാം.
വിശദാംശങ്ങള്‍ അടങ്ങിയ വിജ്ഞാപനം ഹയര്‍ സെക്കന്‍ഡറി പോര്‍ട്ടലായ www.dhsekerala.gov.in ല്‍ ലഭ്യമാണ്.
