പനമരം: ഇസാഫ് സ്മോൾ ഫിനാൻസ് ബാങ്കിന്റെ സി.എസ്.ആർ (CSR) പദ്ധതിയായ ബാലജ്യോതി പ്രോജക്ടിന്റെ ഭാഗമായി ഇസാഫ് ഫൗണ്ടേഷന്റെ നേതൃത്വത്തിൽ വയനാട് ജില്ലാതല കലാ-കായിക മത്സരങ്ങൾ അരങ്ങേറി. പനമരത്ത് നടന്ന ചടങ്ങ് ജില്ലാ പഞ്ചായത്ത് അംഗം ബീന സജി ഉദ്ഘാടനം ചെയ്തു.
പനമരം എ.എസ്.ഐ സുബീഷ് ചടങ്ങിൽ മുഖ്യാതിഥിയായിരുന്നു. അത്‌ലറ്റിക് അസോസിയേഷൻ ജില്ലാ സെക്രട്ടറി ലൂക്ക ഫ്രാൻസിസ്, ഇസാഫ് മാർക്കറ്റിംഗ് & കമ്മ്യൂണിറ്റി എൻഗേജ്‌മെന്റ് ജില്ലാ കോർഡിനേറ്റർ ജിംഷ വി. എന്നിവർ സംസാരിച്ചു.
വയനാട് ജില്ലയിലെ വിവിധ സ്കൂളുകളിൽ നിന്നായി നൂറ്റെൺപതിലേറെ (184) വിദ്യാർത്ഥികൾ മത്സരങ്ങളിൽ മാറ്റുരച്ചു. കുട്ടികളുടെ സർഗ്ഗാത്മകവും കായികവുമായ കഴിവുകളെ പ്രോത്സാഹിപ്പിക്കുന്നതിന്റെ ഭാഗമായാണ് ഇസാഫ് ഫൗണ്ടേഷൻ മത്സരങ്ങൾ സംഘടിപ്പിച്ചത്.
