ഡ്രൈവിംഗിനിടെ വാഹനങ്ങള്‍ക്ക് മുകളില്‍ കയറിയും സ്റ്റെപ്പിനിക്ക് മുകളില്‍ ഇരുന്നും കോളേജിലേക്ക് പോകുന്ന വിദ്യാര്‍ഥികളുടെ ദൃശ്യങ്ങള്‍ സമൂഹ മാധ്യമങ്ങളിലടക്കം പുറത്തുവന്നതോടെ കര്‍ശന നടപടിയുമായി മോട്ടോര്‍ വാഹനവകുപ്പ് രംഗത്തെത്തി. നിയമം കാറ്റിൽപറത്തി പൊതുറോഡിലൂടെയുള്ള വിദ്യാര്‍ഥികളുടെ അഭ്യാസപ്രകടനം മറ്റുള്ള വാഹനങ്ങൾക്കും ഭീഷണിയാകുന്ന സാഹചര്യത്തിലാണ് മോട്ടോർ വാഹന വകുപ്പ് കർശന നടപടിയുമായി മുന്നോട്ട് വരുന്നത്. ഭൂരിഭാഗം വിദ്യാര്‍ഥികളും കോളേജിലേക്ക് വരുന്നത് സീറ്റ്‌ബെല്‍റ്റ് പോലുള്ള പ്രാഥമിക സുരക്ഷാ സംവിധാനങ്ങള്‍ പോലും ധരിക്കാതെയാണ്. കഴിഞ്ഞ ദിവസങ്ങളിൽ സംസ്ഥാനത്ത് വിവിധ ഇടങ്ങളിലായി കോളേജ് വിദ്യാർത്ഥികൾ നടത്തിയ ഇത്തരം അഭ്യാസ പ്രകടനങ്ങൾ കയ്യോടെ പിടികൂടി ലൈസന്‍സ് റദ്ദാക്കുന്ന നിയമ നടപടികളും മോട്ടോർ വാഹന വകുപ്പ് സ്വീകരിച്ചു. രൂപമാറ്റം വരുത്തിയ വാഹനങ്ങള്‍ക്ക് പിഴയടക്കം ഈടാക്കും. വാഹന ഉടമകള്‍ക്ക് നോട്ടീസും നല്‍കും.
വ്ളോഗർമാരുടെയും ഇൻഫ്ലുവൻസര്‍മാരുടെയും പാനലിൽ അംഗമാകാം
കേരളത്തിന്റെ പുരോഗതി അടയാളപ്പെടുത്താൻ താല്പര്യമുള്ള വ്‌ളോഗർമാർക്കും സോഷ്യൽ മീഡിയ ഇൻഫ്ലുവൻസർമാർക്കും ഇൻഫർമേഷൻ പബ്ലിക് റിലേഷൻസ് വകുപ്പിന്റെ പാനലിൽ അംഗമാകാം. മൂന്നു ലക്ഷമെങ്കിലും ഫോളോവർമാരുള്ള വ്‌ളോഗർമാർക്കും യൂട്യൂബ്, ഇൻസ്റ്റഗ്രാം, ഫേസ്ബുക്ക് എന്നിവയിൽ നൽകിയിട്ടുള്ള വീഡിയോ കണ്ടന്റുകൾക്ക്
