ആലക്കോട് : മൈസൂർ സെന്റ്. ഫിലോമിനാസ് കോളേജിലെ 1975-85 ബാച്ചിലെ കേരള വിദ്യാർത്ഥികൾ ഒത്തുകൂടുന്ന ഒമ്പതാമത്തെ പൂർവ്വ വിദ്യാർത്ഥി സംഗമം ആലക്കോട് നടത്തി.
അഹമ്മദാബാദ് വിമാന ദുരന്തത്തിൽ യോഗം അനുശോചനം രേഖപ്പെടുത്തി.
കോവിഡ് കാലം ഒഴിച്ച് എല്ലാവർഷവും തുടർച്ചയായി കൂട്ടായ്മ ഒത്തുചേരൽ നടത്താറുണ്ട്. കാസർഗോഡ്, കണ്ണൂർ, വയനാട്, കോട്ടയം, എറണാകുളം തുടങ്ങിയ ജില്ലകളിൽ നിന്നുമായി 32 അംഗങ്ങൾ പങ്കെടുത്തു. വിദേശ രാജ്യങ്ങളിൽ നിന്നുപോലും ആളുകൾ എത്തിയിരുന്നത് യോഗത്തിന് മാറ്റുകൂട്ടി. പരസ്പരം പരിചയപ്പെടലും ഓർമ്മ പുതുക്കലിനും ശേഷം ഭക്ഷണത്തോടെ യോഗം പിരിഞ്ഞു. യോഗത്തിൽ പ്രസിഡണ്ട് പുൽപ്പള്ളി സ്വദേശി തട്ടാംപറമ്പിൽ ജോർജ് അധ്യക്ഷനായിരുന്നു. ചെറുപുഴ സ്വദേശി ജോസ് അഗസ്റ്റിൽ (സെക്രട്ടറി) റിപ്പോർട്ട് വായിച്ചു. ചെറുപുഴ സ്വദേശി ജോളി കണ്ടാമനത്തിൽ (ട്രഷറർ) കണക്കു വായിച്ചു പാസാക്കി. ജോൺ സക്കറിയ, സണ്ണി ജോർജ്, ജോസ് കെ സി, ചാക്കോച്ചൻ പിജെ, ഡാമിൻ ജോസഫ് എന്നിവർ സംസാരിച്ചു.
നല്ലൂര്‍നാട് കാന്‍സര്‍ കെയര്‍ സെന്ററില്‍ അഡ്വാന്‍സ്ഡ് ഓങ്കോളജി റീഹാബിലിറ്റേഷന്‍, മാമോഗ്രഫി സംവിധാനം
ജില്ലയില്‍ കാന്‍സര്‍ ചികിത്സാ രംഗത്ത് മുന്നേറ്റം സൃഷ്ടിക്കാന്‍ നല്ലൂര്‍നാട് കാന്‍സര്‍ സെന്ററില്‍ മാമോഗ്രഫി സംവിധാനം ഒരുങ്ങുന്നു. സ്തനാര്‍ബുദം, സ്തന സംബന്ധമായ രോഗങ്ങള്‍ എന്നിവ കണ്ടെത്താനുള്ള എക്‌സ്-റേ പരിശോധനയാണ് നല്ലൂര്‍നാട് സെന്ററില്‍ ആരംഭിക്കുന്നത്. എക്‌സ്റേ ചിത്രങ്ങളിലൂടെ
