കല്‍പ്പറ്റ: പാല്‍വില വര്‍ദ്ധിപ്പിക്കുക, വര്‍ധിപ്പിക്കുന്ന വില പൂര്‍ണമായും കര്‍ഷകന് ലഭ്യമാക്കുക, കാലിത്തീറ്റക്ക് സബ്‌സിഡി അനുവദിക്കുക, മുഴുവന്‍ ക്ഷീരകര്‍ഷകരെയും തൊഴിലുറപ്പ് പദ്ധതിയില്‍ ഉള്‍പ്പെടുത്തുക, മൃഗഡോക്ടര്‍മാരുടെ ചൂഷണം അവസാനിപ്പിക്കുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് വയനാട് ജില്ലാ ക്ഷീരകര്‍ഷക കോണ്‍ഗ്രസിന്റെ നേതൃത്വത്തില്‍ ക്ഷീര വികസന ഓഫീസിലേക്ക് മാര്‍ച്ചും ധര്‍ണയും നടത്തി. ധര്‍ണാസമരം ഡിസിസി പ്രസിഡന്റ് എന്‍ ഡി അപ്പച്ചന്‍ ഉദ്ഘാടനം ചെയ്തു. ഐ എന്‍ടി യു സി ജില്ലാ പ്രസിഡന്റ് പി പി ആലി മുഖ്യപ്രഭാഷണം നടത്തി. എം ഒ ദേവസ്യ അധ്യക്ഷനായിരുന്നു. ജോയ് പ്രസാദ്, ഷാന്റി ചേനപ്പാടി, പി കെ മുരളി, ജോസ് പടിഞ്ഞാറത്തറ, ബേബി തുരുത്തി, എം എം മാത്യു, സജീവന്‍ മടക്കിമല, ഇ വി സജി, എ എന്‍ ബാബു, ആഗസ്തി പുത്തന്‍പുര, എ എക്‌സ് ജോസ്, ജോസഫ് പരത്തന എന്നിവര്‍ സംസാരിച്ചു.
ബാലചന്ദ്രമേനോനെ സമൂഹ മാധ്യമങ്ങളിൽ അപകീർത്തിപ്പെടുത്തി; നടി മീനു മുനീർ അറസ്റ്റിൽ
നടി മീനു മുനീർ അറസ്റ്റിൽ. നടൻ ബാലചന്ദ്രമേനോനെ സമൂഹ മാധ്യമങ്ങളിൽ അപകീർത്തിപ്പെടുത്തിയ കേസിലാണ് നടിയെ അറസ്റ്റ് ചെയ്തത്. കൊച്ചി ഇൻഫോപാർക്ക് സൈബർ പൊലീസാണ് നടിയെ അറസ്റ്റ് ചെയ്തത്. അറസ്റ്റ് ചെയ്തു പിന്നീട് ജാമ്യത്തിൽ വിടുകയായിരുന്നു.
