കൊവിഡ് പോസിറ്റീവായതിനെ തുടര്‍ന്ന് മുംബൈ നാനവതി ആശുപത്രിയില്‍ ച്രികിത്സയിലായിരുന്ന ബോളിവുഡ് താരം അമിതാഭ് ബച്ചന് രോഗമുക്തി നേടി. പരിശോധനഫലം നെഗറ്റീവായത് മകന്‍ അഭിഷേത് ബച്ചനാണ് ട്വിറ്ററിലൂടെ അറിയിച്ചത്. എന്നാല്‍ അഭിഷേക് ബച്ചന് കൊവിഡ് രോഗം ഭേദമായിട്ടില്ല. ഇദ്ദേഹം ആശുപത്രിയില്‍ തന്നെ തുടരും. ഈ ജൂലൈ 11നാണ് അമിതാഭ് ബച്ചനെയും മകന്‍ അഭിഷേക് ബച്ചനെയും ആശുപത്രിയില്‍ പ്രവേശിപ്പിച്ചത്. രോഗമുക്തി നേടിയതോടെ അമിതാഭ് ബച്ചന് ഇനി വീട്ടില്‍ ക്വാറന്റീനില്‍ കഴിയണം.
ആശുപത്രിയില്‍ നിന്ന് വിട്ടതിന് പിന്നാലെ ട്വീറ്റുമായി അമിതാഭ് ബച്ചന് രംഗത്തെത്തി. സര്‍വശക്തന്റെ കൃപ, ബാബുജിയുടെ അനുഗ്രഹങ്ങള്‍. പ്രിയപ്പെട്ട സുഹൃത്തുക്കളുടെയും ആരാധകരുടെയും പ്രാര്‍ത്ഥന. നാനവതി ആശുപത്രിയിലെ മികച്ച ചികിത്സ ഇതെല്ലാമാണ് ഈ ഒരു ദിവസം യാഥാര്‍ത്ഥ്യമാക്കിയത്- ട്വീറ്റില്‍ അമിതാഭ് ബച്ചന് കുറിച്ചു.
നേരത്തെ ഐശ്വര്യ റായിക്കും മകള്‍ ആരാധ്യക്കും കൊവിഡ് മുക്തി നേടിയിരുന്നു. തുടര്‍ന്ന് ഇരുവരും ആശുപത്രി വിട്ടിരുന്നു. അഭിഷേക് ബച്ചനാണ് ഇക്കാര്യം ട്വിറ്ററിലൂടെ അറിയിച്ചത്. പത്ത് ദിവസത്തിന് ശേഷമാണ് ഇരുവരും രോഗമുക്തി നേടി ആശുപത്രി വിട്ടത്. മുംബൈയിലെ നാനാവതി ആശുപത്രിയിലാണ് ഇവരും ചികിത്സയില്‍ കഴിഞ്ഞിരുന്നത്. അമിതാഭ് ബച്ചനായിരുന്നു ആദ്യം കൊവിഡ് സ്ഥിരീകരിക്കുന്നത്. പിന്നീട് അഭിഷേക് ബച്ചനും ഐശ്വര്യറായിക്കും ആരാധ്യക്കും കൊവിഡ്സ്ഥി രീകരിക്കുകയായിരുന്നു.
