കാലിഫോര്‍ണിയ: ഐഫോണ്‍ സീരിയസിലെ ഏറ്റവും പുതിയ മോഡലായ ഐഫോണ്‍ 12 ഉള്‍പ്പെടെയുള്ള ഉത്പന്നങ്ങള്‍ വിപണിയില്‍ ഇറക്കി ആപ്പിള്‍. 5 ജി സംവിധാനത്തോടെയുള്ള ആദ്യ ഐഫോണ്‍ പരമ്പരയാണ് 12. ഹോംപോഡ് മിനി അവതരിപ്പിച്ചുകൊണ്ടാണ് ആപ്പിള്‍ സിഇഒ ടിം കുക്കും സംഘവും ഹായ് സ്പീഡ് എന്ന പരിപാടിയിലൂടെ ഉത്പന്നങ്ങള്‍ പരിചയപ്പെടുത്തിയത്.
ഐഫോണ്‍ 12പ്രോ, ഐഫോണ്‍ 12 പ്രോ മാക്‌സ്, ഐഫോണ്‍ 12 മിനി എന്നീ ഫോണുകളാണ് കമ്പനി വിപണിയിലെത്തിച്ചത്. ആപ്പിളിന്റെ പുതിയ ചിപ്‌സെറ്റ് എ14 ബയോനിക്കാണ് മറ്റൊരു പ്രത്യേകത. ഐഫോണ്‍ 12 മിനിയുടെ വില 699 ഡോളറി(51,200 രൂപ) ലാണ് തുടങ്ങുന്നത്. ഐഫോണ്‍ 12 ന്റെ വില തുടങ്ങുന്നത് 799 ഡോളറി( 58,600 രൂപ) ലാണ്. ഹോംപോഡ് മിനിക്ക് 9900 രൂപ മുതലാണ് വില.
ഒക്ടോബര്‍ 30 നുള്ളില്‍ ഉത്പന്നങ്ങള്‍ ഇന്ത്യന്‍ വിപണിയിലെത്തുമെന്നാണ് പ്രതീക്ഷിക്കുന്നത്.
