കല്‍പ്പറ്റ ഗവ. കോളേജ് എന്‍.എസ.്എസ് യൂണിറ്റിന്റെ പ്രവര്‍ത്തനങ്ങള്‍ക്ക് സംസ്ഥാനതലത്തില്‍ അംഗീകാരം. യൂണിറ്റ് നടപ്പാക്കിയ ‘പുസ്തകത്തണലില്‍’ എന്ന പരിപാടിക്കാണ് ബഹുമതി ലഭിച്ചത്. തൃശ്ശൂരില്‍ നടന്ന ചടങ്ങില്‍ ഉന്നത വിദ്യാഭ്യാസ വകുപ്പ് മന്ത്രി ഡോ.ആര്‍ ബിന്ദുവില്‍ നിന്നും കല്‍പ്പറ്റ ഗവ. കോളേജ് എന്‍.എസ.്എസ് യൂണിറ്റ് പുരസ്‌ക്കാരം ഏറ്റുവാങ്ങി. യൂണിറ്റിന്റെ നേതൃത്വത്തില്‍ ദത്തു ഗ്രാമമായ പടപുരം കോളനിയില്‍ കുട്ടികള്‍ക്കും മുതിര്‍ന്നവര്‍ക്കുമായി ഗ്രന്ഥശാല സജ്ജീകരിച്ചു നല്‍കുകയാണ് പദ്ധതിയിലൂടെ ചെയ്തത്. പടപുരം കോളനിയില്‍ അടഞ്ഞുകിടന്നിരുന്ന ഏകാധ്യാപക വിദ്യാലയം ലൈബ്രറി ആവശ്യങ്ങള്‍ക്കായി നഗരസഭ വിട്ടു നല്‍കുകയും 800 ഓളം പുസ്തകങ്ങളും അലമാരയും ഉള്‍പ്പെടെ ലൈബ്രറി സ്ഥാപിക്കുകയും ചെയ്തു. കല്‍പ്പറ്റ നഗരസഭ വാര്‍ഡ് കൗണ്‍സിലറിന്റെയും, കോളേജിന്റെയും വളണ്ടിയര്‍മാരുടെയും പിന്തുണയോടെ എന്‍എസ്എസ് പ്രോഗ്രാം ഓഫീസര്‍മാരായ ഡോ.വി.എസ് നീരജ്, വിനോദ് തോമസ് എന്നിവരാണ് ഈ ദൗത്യത്തിന് നേതൃത്വം നല്‍കിയത്.
വ്ളോഗർമാരുടെയും ഇൻഫ്ലുവൻസര്‍മാരുടെയും പാനലിൽ അംഗമാകാം
കേരളത്തിന്റെ പുരോഗതി അടയാളപ്പെടുത്താൻ താല്പര്യമുള്ള വ്‌ളോഗർമാർക്കും സോഷ്യൽ മീഡിയ ഇൻഫ്ലുവൻസർമാർക്കും ഇൻഫർമേഷൻ പബ്ലിക് റിലേഷൻസ് വകുപ്പിന്റെ പാനലിൽ അംഗമാകാം. മൂന്നു ലക്ഷമെങ്കിലും ഫോളോവർമാരുള്ള വ്‌ളോഗർമാർക്കും യൂട്യൂബ്, ഇൻസ്റ്റഗ്രാം, ഫേസ്ബുക്ക് എന്നിവയിൽ നൽകിയിട്ടുള്ള വീഡിയോ കണ്ടന്റുകൾക്ക്
