വയനാട് കൃഷി വിജ്ഞാന കേന്ദ്രത്തിന്റെ ഷെഡ്യൂൾഡ് കാസ്റ്റ് സബ്പ്ലാൻ പദ്ധതിയുടെ ഭാഗമായി പട്ടികജാതി വിഭാഗക്കാർക്ക് ഭക്ഷണം ,പോഷകാഹാരം,ഉപജീവന മാർഗ്ഗം എന്നിവ ശക്തിപ്പെടുത്തുന്നതിനുള്ള സാങ്കേതിക ഇടപെടലിന്റെ ഭാഗമായി നെന്മേനി ചിറ്റൂർക്കുന്ന് വച്ച് കർഷകർക്ക് പച്ചക്കറിയിലെ കീടരോഗ നിയന്ത്രണം എന്ന വിഷയത്തിൽ പരിശീലന പരിപാടി സംഘടിപ്പിച്ചു. ഇതിനോടനുബന്ധിച്ച് കർഷകർക്ക് പച്ചക്കറി തൈകളും ,ജീവ കീടരോഗ നിയന്ത്രണ ഉപാധികളും ,സൂക്ഷ്മ മൂലക വളങ്ങളും വിതരണം ചെയ്തു. പ്രസ്തുത ചടങ്ങിൽ നെന്മേനി എട്ടാം വാർഡ് മെമ്പർ ജയലളിത അധ്യക്ഷയായിരുന്നു. നെന്മേനി പഞ്ചായത്ത് പ്രസിഡന്റ് ഷീല പുഞ്ചവയൽ ഉദ്ഘാടനം ചെയ്തു. റ്റിജി ചെറുതോട്ടിൽ, സുജാത എന്നിവർ സംസാരിച്ചു. ഡോ.ദീപാറാണി സി.വി, ശ്രുതി കൃഷ്ണൻ എന്നിവർ ക്ലാസുകൾ നയിച്ചു .
കണ്ണൂർ സെൻട്രൽ ജയിലിൽ നിന്ന് മൊബൈൽ ഫോൺ പിടികൂടി
കൊടുംകുറ്റവാളി ഗോവിന്ദച്ചാമിയുടെ ജയിൽചാട്ടത്തിന് പിന്നാലെ കണ്ണൂർ സെൻട്രൽ ജയിലിൽ നിന്ന് മൊബൈൽ ഫോൺ പിടികൂടി. ഒന്നാം ബ്ലോക്കിന്റെ പരിസരത്ത് നിന്നാണ് ഫോൺ കണ്ടെത്തിയത്. പതിവ് പരിശോധനയിലാണ് കല്ലിനടിയിൽ ഒളിപ്പിച്ച നിലയിൽ മൊബൈൽ ഫോൺ കണ്ടെത്തിയത്.
