പേരിയ:പേരിയ റെയ്ഞ്ചിന്റെ പരിധിയില്‍ വരുന്ന കുഞ്ഞോം കൊളമത്തറ വനത്തിനുള്ളില്‍ കാട്ടാനയുടെ ജഡത്തില്‍ നിന്നും ആനക്കൊമ്പുകള്‍ ശേഖരിച്ച 4 പ്രതികളെ ആനക്കൊമ്പടക്കം പേരിയ റെയ്ഞ്ച് ഫോറസ്റ്റ് ഓഫീസര്‍ എം. കെ രാജീവ്കുമാറും സംഘവും അറസ്റ്റ് ചെയ്തു. കുഞ്ഞോം ഇട്ടിലാട്ടില്‍ കോളനിയിലെ വിനോദ് (30),കാട്ടിയേരി കോളനിയിലെ രാഘവന്‍ (39) ,രാജു (34), ഗോപി (38) എന്നിവരെയാണ് ആനക്കൊമ്പ് സഹിതം അറസ്റ്റ് ചെയ്തത്. 2020 മാര്‍ച്ച് 2 ന് രജിസ്റ്റര്‍ ചെയ്ത കേസ്സിലെ പ്രതികളേയും ആനക്കൊമ്പുകളും വനപാലകര്‍ അന്വേഷിച്ചുവരികയായിരുന്നു.കണ്ടെടുത്ത ആനക്കൊമ്പിന് 20 കിലോയിലധികം ഭാരമുണ്ട്. ആനക്കൊമ്പ് വില്‍പ്പനക്കായി രഹസ്യമായി സൂക്ഷിച്ചിരിക്കുകയായിരുന്നു.
ആത്മ സ്റ്റേറ്റ് കോ-ഓര്‍ഡിനേറ്റര്‍ നിയമനം
കാര്‍ഷിക വികസന-കര്‍ഷക ക്ഷേമ വകുപ്പ് ഡയറക്ടറേറ്റില്‍ കേന്ദ്ര ആവിഷ്‌കൃത പദ്ധതിയായ അഗ്രികള്‍ച്ചറല്‍ ടെക്‌നോളജി മാനേജ്മെന്റ് ഏജന്‍സി (ആത്മ) പ്രോഗ്രാമിന് കീഴില്‍ സ്റ്റേറ്റ് കോ-ഓര്‍ഡിനേറ്റര്‍ തസ്തികയിലേക്ക് നിയമനം നടത്തുന്നു. കൃഷി, കൃഷി വിപണനം, അഗ്രോണമി, ഹോര്‍ട്ടികള്‍ച്ചര്‍,
