മാനന്തവാടി:പേവിഷ പ്രതിരോധ പ്രചാരണം ലക്ഷ്യമിട്ടു വിദ്യാർഥികൾക്കായി കേരള ഗവ. വെറ്ററിനറി ഓഫിസേഴ്സ് അസോസിയേഷനുമായി സഹകരിച്ചു മനോരമ നല്ലപാഠം നടത്തുന്ന കരുതല്‍ പദ്ധതിയുടെ ഭാഗമായി ബോധവല്‍ക്കരണ സെമിനാര്‍ നടത്തി. മാനന്തവാടി ഗവ. വി എച്ച് എസ് എസില്‍ നഗരസഭാ അധ്യക്ഷ സി.കെ. രത്നവല്ലി ഉദ്ഘാടനം ചെയ്തു. വൈസ് പ്രിൻസിപ്പൽ സി. രാധിക, പിടിഎ പ്രസിഡൻ്റ് പി.പി. ബിനു, ഡോ. സീലിയ ലൂയിസ്, സ്കൂൾ ലീഡർ മുഹമ്മദ് ആഷിൻ, കെ. എം. ഷിനോജ്, വി.കെ. ബാബുരാജ് എന്നിവർ പ്രസംഗിച്ചു.
കെജിവിഒഎ ജില്ലാ സെക്രട്ടറി ഡോ. കെ.എസ്. ശരത്ത് അധ്യക്ഷത വഹിച്ചു. മാനന്തവാടി വെറ്ററിനറി പോളിക്ലിനിക്കിലെ വെറ്ററിനറി സർജൻ ഡോ. വി. ഫഹ്മിദ ക്ലാസ് എടുത്തു. തെരുവുനായശല്യം മൂലം വിദ്യാർഥികളടക്കം വലയുന്ന സാഹചര്യത്തിലാണു കരുതൽ പദ്ധതി. നായ്ക്കളുമായി ഇടപെടുമ്പോൾ ശ്രദ്ധിക്കേണ്ട കാര്യങ്ങളും കടിയേറ്റാൽ സ്വീകരിക്കേണ്ട പ്രതിരോധമാർഗങ്ങളും വിദ്യാർഥികൾക്കു പരിചയപ്പെടുത്തുകയാണു ലക്ഷ്യം.
ഉച്ചയൂണിന് ശേഷം മധുരം കഴിക്കാൻ തോന്നാറുണ്ടോ?; കുടലിന്റെ ആരോഗ്യക്കുറവ് കാരണമാകാം
ആരോഗ്യകരമായ ശരീരത്തിനും ദഹനത്തിനുമെല്ലാം ആരോഗ്യകരമായ കുടൽ ഏറെ പ്രധാനമാണ്. ആന്തരിക അവയവങ്ങളുടെ പ്രവർത്തനം സുഖകരമായി നടത്തുന്നതിൽ കുടലാരോഗ്യത്തിന് പ്രധാന റോളുണ്ട്. കുടലിന്റെ ആരോഗ്യത്തിന് നമ്മളുടെ ഇമ്മ്യൂണിറ്റിയെയും, എന്തിന് നമ്മുടെ മൂഡിനെയും വരെ സ്വാധീനിക്കാൻ സാധിക്കും.
