മലയാളികളുടെ ഇഷ്ട താരങ്ങളായ മമ്മൂട്ടിക്കും ദുല്‍ഖറിനും കാറുകളോടുള്ള ക്രെയ്‌സ് ആരാധകര്‍ക്കിടയില്‍ പലപ്പോഴും ചര്‍ച്ചയാകാറുണ്ട്.
ഇതിനിടെ തന്റെ വാഹന കളക്ഷന്‍ പരിചയപ്പെടുത്തി വീഡിയോയുമായി ദുല്‍ഖര്‍ രംഗത്തെത്തുകയും ചെയ്തിരുന്നു. ഇപ്പോഴിതാ താൻ ഒമ്പതാം വയസിലെ താന്‍ ഡ്രൈവിംഗ് പഠിക്കാന്‍ തുടങ്ങിയിരുന്നു എന്നാണ് ദുല്‍ഖര്‍ പറയുന്നത്.
“എനിക്ക് 9 വയസും ഇത്തക്ക് 11 വയസുമായിരുന്നു പ്രായം. ഞങ്ങള്‍ക്ക് വളരെ പ്രായമുള്ളൊരു ഡ്രൈവര്‍ ഉണ്ടായിരുന്നു. അദ്ദേഹം വളരെ സ്വീറ്റായിരുന്നു . ഞങ്ങള്‍ അദ്ദേഹത്തോട് ‘ദയവായി ഞങ്ങളെ പഠിപ്പിക്കൂ’ എന്ന് യാചിച്ചു കൊണ്ടിരുന്നു. ഞങ്ങള്‍ക്ക് അന്നൊരു മാരുതി 800 ഉണ്ടായിരുന്നു.”
അദ്ദേഹം ഞങ്ങള്‍ക്ക് ക്ലച്ച്, ഗിയര്‍, ബ്രേക്ക് പോലുള്ള കാര്യങ്ങളൊക്കെ മനസ്സിലാക്കി തന്നു. ഡ്രൈവിംഗ് സീറ്റില്‍ ഇരിക്കാനുള്ള ഒരു അവസരം കണ്ടാല്‍ ഞാന്‍ ചാടി വീഴും. അത് വീട്ടില്‍ കാര്‍ പാര്‍ക്ക് ചെയ്യുന്ന കാര്യത്തിലോ റിവേഴ്‌സ് എടുക്കുന്ന കാര്യത്തിലോ ആണെങ്കില്‍ പോലും.”
”കാറില്‍ ചാടി കയറി ഡ്രൈവ് ചെയ്യാന്‍ ഞാന്‍ എന്തെങ്കിലും ഒഴിവുകഴിവ് കണ്ടെത്തും. ഞാന്‍ ഇത് ചെയ്തതായി വാപ്പച്ചിക്ക് അറിയില്ലായിരുന്നു. അദ്ദേഹം ഇതിനെ കുറിച്ച് അറിഞ്ഞപ്പോള്‍ യഥാര്‍ത്ഥത്തില്‍ വളരെ ശാന്തനായിരുന്നു. ഞങ്ങള്‍ ഒരു ക്ലോസ്ഡ് പ്രോപ്പര്‍ട്ടിയില്‍ ആയിരിക്കുമ്പോള്‍ അദ്ദേഹം തന്റെ സുഹൃത്തുക്കളെ ഇതു കാണിക്കും
കാര്‍ എടുക്കൂ എന്ന രീതിയിലാവും അത്. എന്ത്, അവന് കാര്‍ ഓടിക്കാനറിയുമോ എന്ന് അവര്‍ അത്ഭുതപ്പെടുമ്പോള്‍, അതെ, അവന് അതറിയാം എന്ന മട്ടില്‍ അദ്ദേഹം അതിനെ നേരിടും” ദുല്‍ഖര്‍ പറഞ്ഞു . നെറ്റ്ഫ്‌ലിക്‌സ് സീരീസായ ‘ഗണ്‍സ് & ഗുലാബ്‌സി’ന്റെ പ്രമോഷനിടയിലാണ് ദുൽഖർ ഇക്കാര്യങ്ങൾ വെളിപ്പെടുത്തിയത്.
