പനമരം: പനമരം ടൗണിന് സമീപത്ത് വച്ച് നടത്തിയ വാഹനപരിശോധനയിൽ കഞ്ചാവ് കൈവശം വച്ച കുറ്റത്തിന് കമ്പളക്കാട് സ്വദേശിയായ കോട്ടക്കാരൻ വീട്ടിൽ ഷാജിദ് കെ.എ 44 എന്നയാളെ മാനന്തവാടി എക്സൈസ് റേഞ്ച് ഇൻസ്പെക്ടർ ഷറഫുദ്ദീൻ ടിയും സംഘവും ചേർന്ന് അറസ്റ്റ് ചെയ്തു. ഇയാളുടെ കൈവശം നിന്നും 50 ഗ്രാം കഞ്ചാവ് കണ്ടെത്തി. ഇയാളുടെ KL 12 F3286 നമ്പർ ബൈക്കും കസ്റ്റഡിയിലെടുത്തു. പാർട്ടിയിൽ പ്രിവൻ്റീവ് ഓഫീസർ രാജേഷ് . വി,സിവിൽ എക്സൈസ് ഓഫീസർമാരായ ഹാഷിം. കെ, ഷിൻ്റോ സെബാസ്റ്റ്യൻ, സനൂപ് കെ.എസ്, വിപിൻ വിൽസൺ എന്നിവർ പങ്കെടുത്തു.
കുടിക്കാഴ്ച്ച മാറ്റി
മേപ്പാടി ഗ്രാമപഞ്ചായത്ത് അസിസ്റ്റന്റ് എൻജിനീയറുടെ ഓഫീസിൽ ഓവർസീയർ തസ്തികയിലേക്ക് ജൂലൈ 14 ന് രാവിലെ 11 ന് നടത്താനിരുന്ന കുടിക്കാഴ്ച്ച മാറ്റിയതായി ഗ്രാമപഞ്ചായത്ത് സെക്രട്ടറി അറിയിച്ചു. പുതുക്കിയ തിയ്യതി പിന്നീട് അറിയിക്കും.
