ബത്തേരി : സിവിൽ സർവീസ് പരീക്ഷയിൽ ഉന്നത വിജയം നേടിയ അശ്വതി ശിവരാമനെ സുൽത്താൻബത്തേരി നഗരസഭ ആദരിച്ചു. അശ്വതിയുടെ സുൽത്താൻബത്തേരിയിൽ ഉള്ള വീട്ടിലെത്തിയാണ് നഗരസഭ ആദരവ് നൽകിയത് . നഗരസഭ ചെയർമാൻ ടി കെ രമേശ് നഗരസഭയുടെ ഉപഹാരം അശ്വതിക്ക് കൈമാറി. നഗരസഭ ഡെപ്യൂട്ടി ചെയർപേഴ്സൺ എൽസി പൗലോസ്,വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ലിഷ പി എസ്,ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാമിലാ ജുനൈസ്,വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ടോം ജോസ്, ക്ഷേമകാര്യ സ്റ്റാൻഡിങ് കമ്മിറ്റി ഇൻ ചാർജ് സാലി പൗലോസ്,എന്നിവർ ചടങ്ങിൽ പങ്കെടുത്തു. സുൽത്താൻബത്തേരിയുടെ പേര് വാനോളം ഉയർത്തിയ അശ്വതിക്ക് അഭിനന്ദനങ്ങൾ നേരുന്നതോടൊപ്പം പുതിയ മേഖലയിൽ വിജയിക്കാൻ കഴിയട്ടെ എന്നും നഗരസഭ ചെയർമാൻ ആശംസിച്ചു.
കലാലയങ്ങൾ കേന്ദ്രീകരിച്ചുള്ള ബോധവൽക്കരണമാണാവശ്യം:റാഫ്
പനമരം:പോലിസ്, മോട്ടോർ വാഹനം, എക്സൈസ്, വിദ്യാഭ്യാസം എന്നീ വകുപ്പുകളുടെ സഹകരണത്തോടെ പനമരം ഗ്രാമപഞ്ചായത്തിലെ മുഴുവൻ വിദ്യാലയങ്ങളിലെ വിദ്യാർത്ഥികൾക്കും രക്ഷിതാക്കൾക്കുമായി റോഡു സുരക്ഷ, ലഹരി നിർമ്മാർജനം എന്നിവക്കായി ബോധവൽക്കരണ പരിപാടികൾ സംഘടിപ്പിക്കാൻ റോഡ് ആക്സിഡന്റ് ആക്
