കൽപ്പറ്റ: കാപ്പ നിയമ പ്രകാരം വയനാട് ജില്ലയിലേക്ക് പ്രവേശനവിലക്കുള്ള പ്രതി വിലക്ക് ലംഘിച്ചതിനെ തുടർന്ന് അറസ്റ്റ് ചെയ്ത് പോലീസ്. നെന്മേനി, കോളിയാടി, പാറക്കുഴി വീട്ടിൽ സനു സാബു(24)വിനെയാണ് ബത്തേരി പോലീസ് അറസ്റ്റ് ചെയ്തത്. ഞായറാഴ്ച ബത്തേരി ചുള്ളിയോട് റോഡിൽ വെച്ചായിരുന്നു അറസ്റ്റ്. ബഹു. ഡി.ഐ.ജിയുടെ ഉത്തരവ് പ്രകാരം 12.04.24 തീയതി മുതൽ ഒരു വർഷത്തേക്ക് വയനാട് ജില്ലയിലേക്ക് പ്രവേശിക്കാൻ വിലക്ക് ഏർപ്പെടുത്തി നാടുകടത്തിയ പ്രതി യാണ് ഇയാൾ. ഇയാൾക്ക് ബത്തേരി, അമ്പലവയൽ സ്റ്റേഷനു കളിലായി കേസുകളുണ്ട്. ഇയാളെ റിമാൻഡ് ചെയ്ത് വൈത്തിരി ജയിലിലേക്ക് മാറ്റി.
താഴികക്കുടം പ്രതിഷ്ഠിച്ചു.
തൃക്കൈപ്പറ്റ: തൃക്കൈപ്പറ്റ മഹാ ശിവക്ഷേത്രത്തിൽ നവീകരണ കലശത്തിന്റെ ഭാഗമായി താഴികക്കുടം പ്രതിഷ്ഠിച്ചു. ക്ഷേത്രം തന്ത്രി ബ്രഹ്മ ശ്രീ കാക്കട്ടില്ലം പുരുഷോത്തമൻ നമ്പൂതിരി,വൈക്കം മഹാദേവ ക്ഷേത്രം മേൽശാന്തി തരണി നാരായണൻ നമ്പൂതിരി,നവീകരണ കമ്മിറ്റി പ്രസിഡന്റ് എ.ബി
