ആരോഗ്യ വകുപ്പ് സംസ്ഥാന എയ്ഡ്സ് കണ്ട്രോള് സൊസൈറ്റിയുടെ ആഭിമുഖ്യത്തില് യുവജനങ്ങള്, വിദ്യാര്ത്ഥികള് എന്നിവര്ക്കായി എയ്ഡ്സ് ബോധവത്ക്കരണത്തിന്റെ ഭാഗമായി ഫ്ളാഷ് മോബ് മത്സരം സംഘടിപ്പിച്ചു. 17 നും 25 നും ഇടയില് പ്രായമുള്ള കോളേജ് വിദ്യാര്ഥികള്ക്കായാണ് മത്സരം നടത്തിയത്. മീനങ്ങാടി പഞ്ചായത്ത് കമ്മ്യൂണിറ്റി ഹാളില് നടന്ന മത്സരം ജില്ലാ മെഡിക്കല് ഓഫീസര് ഡോ പി ദിനീഷ് ഉദ്ഘാടനം ചെയ്തു. മത്സരത്തില് പനമരം ഗവ നഴ്സിങ് സ്കൂള്, കല്പ്പറ്റ ഫാത്തിമ മാതാ നഴ്സിങ് സ്കൂള്, സുല്ത്താന് ബത്തേരി അസംപ്ഷന് കോളേജ് ഓഫ് നഴ്സിങ് സ്കൂള്, മാനന്തവാടി ഗവ കോളേജ്, സുല്ത്താന് ബത്തേരി വിനായക സ്കൂള് ഓഫ് നഴ്സിങ് യഥാക്രമം ഒന്ന് മുതല് അഞ്ച് സ്ഥാനങ്ങള് നേടി. വിജയികള്ക്ക് 50000, 4500, 4000, 3500, 3000 രൂപ വീതം ക്യാഷ് അവാര്ഡും സര്ട്ടിഫിക്കറ്റും ജില്ലാ എയ്ഡ്സ് കണ്ട്രോള് ഓഫീസര് ഡോ പ്രിയ സേനന് വിതരണം ചെയ്തു. ജില്ലാ മാസ് മീഡിയ ഓഫീസര് ഹംസ ഇസ്മാലി അധ്യക്ഷനായ പരിപാടിയില് മീനങ്ങാടി സി.എച്ച്.സി മെഡിക്കല് ഓഫീസര് ഡോ അഫ്സല്, ഡെപ്യൂട്ടി ജില്ലാ മാസ് മീഡിയ ഓഫീസര് കെ മുഹമ്മദ് മുസ്തഫ, എ.ആര്. ടി മെഡിക്കല് ഓഫീസര് ഡോ ജാലിബ, എച്ച്.ഐ.വി, ടി.ബി കോ-ഓര്ഡിനേറ്റര് വി.ജെ ജോണ്സന്, മീനങ്ങാടി ഹെല്ത്ത് ഇന്സ്പെക്ടര് എ. ഗീത, സ്റ്റാറ്റിസ്റ്റിക്കല് അസിസ്റ്റന്റ് പി.കെ സലീം, ജിബിന് കെ ഏലിയാസ് എന്നിവര് സംസാരിച്ചു.
പണിയനൃത്തത്തിൽ ഒന്നാമതെത്തി തരിയോട് ജി. എച്ച്. എസ്. എസ്
കൽപ്പറ്റ: തൃശൂരിൽ നടന്നു വരുന്ന സംസ്ഥാന സ്കൂൾ കലോൽസവത്തിൽ ഹൈസ്കൂൾ വിഭാഗം പണിയനൃത്തത്തിൽ എ ഗ്രേഡോടെ ഒന്നാമതെത്തി തരിയോട് ഗവ. ഹയർ സെക്കൻഡറി സ്കൂൾ വയനാടിൻ്റെ അഭിമാനമായി.ടീം അംഗങ്ങൾ എല്ലാവരും ഗോത്ര വിഭാഗത്തിൽപ്പെട്ടവരാണെന്നത് വിജയത്തിന്
