സംസ്ഥാനത്ത് സ്വര്ണവിലയില് വീണ്ടും വര്ധന. റെക്കോര്ഡ് ഉയരത്തിലെത്തിയ സ്വര്ണവില ഇന്ന് പവന് 59,640 രൂപയാണ്. 120 രൂപയാണ് ഇന്ന് മാത്രം വർദ്ധിച്ചത്. ഒരു ഗ്രാം സ്വർണത്തിന് നിലവിൽ 7455 രൂപയാണ് നൽകേണ്ടത്. വെറും നാല് ദിവസം കൊണ്ട് 2000 രൂപയാണ് സ്വർണ്ണത്തിന് കൂടിയത്. കഴിഞ്ഞ ദിവസം പവന് 59,520 രൂപയായിരുന്നു സ്വര്ണവില.
ഈ മാസത്തിന്റെ തുടക്കത്തില് 56,400 രൂപയായിരുന്നു സ്വര്ണവില. പത്തിന് 56,200 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തില് എത്തി. എന്നാല് പിന്നീടുള്ള ദിവസങ്ങളില് റെക്കോര്ഡുകള് ഭേദിച്ച് വില ഉയരുന്നതാണ് ദൃശ്യമായത്. തിങ്കളാഴ്ച 360 രൂപ കുറഞ്ഞത് താത്കാലികം മാത്രമാണെന്ന് സൂചന നല്കി. അന്താരാഷ്ട്രവിപണിയില് സ്വര്ണവിലയില് ഉണ്ടായ വര്ധനയാണ് കേരള വിപണിയിലും പ്രതിഫലിക്കുന്നത്.
സ്വര്ണവില ഈ വര്ഷം അവസാനത്തോടെ പുതിയ റെക്കോര്ഡിലേക്കെത്തുമെന്നാണ് റിപ്പോര്ട്ടുകള്. ഡിസംബറോടെ സ്വര്ണം ഗ്രാമിന് 7550 മുതല് 8000 രൂപ വരെ വിലയെത്തുമെന്നാണ് അനലിസ്റ്റുകളുടെ പ്രതീക്ഷ. ഇതുവരെയുള്ള കണക്കുകള് പ്രകാരം കഴിഞ്ഞ വര്ഷത്തെ അപേക്ഷിച്ച് സ്വര്ണ വിലയില് ഈ വര്ഷം 29 ശതമാനത്തിന്റെ വര്ധനയുണ്ടായിട്ടുണ്ട്. കഴിഞ്ഞ വര്ഷം സ്വര്ണത്തിന് 20 ശതമാനത്തിന്റെ വര്ധനയാണ് രേഖപ്പെടുത്തിയത്. ഈ വര്ഷം ഡിസംബറോടെ സ്വര്ണവില ഗ്രാമിന് 7550 രൂപയിലേക്കെത്തുമെന്നാണ് ആഗോള ഏജന്സിയായ ഫിച്ച് സൊല്യൂഷന് വിലയിരുത്തുന്നത്.
നാല് വര്ഷത്തിന് ശേഷം യുഎസ് ഫെഡറല് റിസര്വ് അരശതമാനം പലിശ നിരക്ക് കുറച്ചതാണ് വിപണിയില് പ്രതിഫലിച്ചത്. യുക്രൈന് യുദ്ധം ആരംഭിച്ചത് മുതല് ആഗോളവിപണിയുടെ ചുവട് പിടിച്ചാണ് സ്വര്ണ വില റെക്കോര്ഡുകള് ഭേദിച്ച് മുന്നേറുന്നത്. അമേരിക്കന് തെരഞ്ഞെടുപ്പ് ഫലവും സ്വര്ണവിലയെ ബാധിച്ചേക്കാമെന്നാണ് വിദഗ്ധര് പറയുന്നത്. തെരഞ്ഞെടുപ്പില് ട്രംപ് വിജയിച്ചാല് യുഎസ് ഡോളര് നേട്ടം കൈവരിക്കുമെന്നും ഇത് സ്വര്ണവിലയെയും ബാധിക്കുമെന്നുമാണ് വിലയിരുത്തല്.
