കുറുവ മോഷണസംഘം കേരളത്തിൽ എത്തിയെന്ന് സൂചന. ആയതിനാൽ ജാഗ്രത പാലിക്കണമെന്ന് പോലീസ് ജനങ്ങള്ക്ക് മുന്നറിയിപ്പ് നല്കി. മുഖം മറച്ച് അര്ധ നഗ്നരായാണ് കുറുവ സംഘം എത്താറുള്ളതെന്ന് പോലീസ് പറഞ്ഞു. ഇവരുടെ വേഷത്തില് നിന്നും ശരീരഭാഷയില് നിന്നുമാണ് ഇത് കുറുവ സംഘമാണെന്ന് പോലീസ് ഉറപ്പിക്കുന്നത്. പകല് ചെറിയ ജോലികളുമായി ചുറ്റിക്കറങ്ങും, രാത്രി മോഷണത്തിനിറങ്ങും. എതിര്ത്താല് ആക്രമിക്കുകയും ചെയ്യും. ഇതിനോടകം സംസ്ഥാനത്ത് പലയിടത്തും ഈ സംഘം മോഷണം നടത്തിയിട്ടുണ്ട്. കുറുവ എന്ന് കേരളത്തില് അറിയപ്പെടുന്ന ഇവരെ തമിഴ്നാട്ടില് നരിക്കുറുവ എന്നാണ് വിളിക്കുന്നത്. മോഷണമെന്ന കുലത്തൊഴിലില് നിന്ന് ഇവരെ മോചിപ്പിക്കാന് തമിഴ്നാട് സര്ക്കാര് വീടുകള് ഉള്പ്പെടെ നല്കിയെങ്കിലും പിന്തിരിപ്പിക്കാന് കഴിഞ്ഞിട്ടില്ല. വീടുകളുടെ പിന്വാതില് തകര്ത്ത് അകത്ത് കയറുന്നതാണ് ഇവരുടെ രീതി. പലപ്പോഴും മൂന്ന് പേര് ഒന്നിച്ചാണ് മോഷണത്തിന് എത്തുന്നത്. കണ്ണുകള് മാത്രം പുറത്തു കാണാവുന്ന വിധത്തില് തോര്ത്ത് തലയില് കെട്ടും. ഷര്ട്ടും ലുങ്കിയും അരയില് ചുരുട്ടിവച്ച് അതിനു മീതേ നിക്കര് ധരിക്കും. പിടികൂടിയാല് വഴുതി രക്ഷപ്പെടാൻ ഇവർ ശരീരത്തില് എണ്ണയും കരിയും പുരട്ടും. വീടിന് പുറത്തെത്തി കുട്ടികളുടെ കരച്ചില് പോലുള്ള ശബ്ദം ഉണ്ടാക്കുകയോ ടാപ്പ് തുറന്നു വെള്ളം ഒഴുക്കുകയോ ചെയ്തു വാതില് തുറക്കാന് വീട്ടുകാരെ പ്രേരിപ്പിക്കാറുണ്ട്. പുറത്തിറങ്ങുന്നവരെ ആക്രമിച്ച ശേഷം അകത്തേക്ക് ഇരച്ചുകയറും. വീട്ടില് കയറുന്ന സംഘത്തിലെ ഒരാള്ക്ക് മാത്രമാകും സ്ഥലത്തെക്കുറിച്ച് പരിചയമുണ്ടാകുക. ആയുധം കാട്ടി ഭീഷണിപ്പെടുത്തി സ്വര്ണ്ണവും പണവും തട്ടിയെടുക്കുന്ന രീതിയുമുണ്ട്. സ്ത്രീകളുടെ ശരീരത്തിലെ ആഭരണം മുറിച്ചെടുക്കാന് പ്രത്യേക കത്രികയാണ് ഇവർ ഉപയോഗിക്കുന്നത്. ഇവര് നന്നായി മലയാളം സംസാരിക്കും. മോഷണം നടത്തുന്ന സ്ഥലങ്ങളില് മലയാളം മാത്രമേ സംസാരിക്കൂ. ആറ് മാസം വരെ വീടുകളെ നിരീക്ഷിച്ച ശേഷമാണ് ഇവര് മോഷണത്തിന് എത്തുന്നതെന്നും പറയപ്പെടുന്നു. മോഷണം ആസൂത്രണം ചെയ്താലുടന് താമസസ്ഥലം മാറും. മോഷണ സ്ഥലത്തിന് കിലോമീറ്ററുകള് അകലെയായിരിക്കും ആ സമയത്ത് ഇവർ താമസിക്കുക.
ഗ്യാസ് ട്രബിളിനുള്ള ഈ മരുന്നുകള് പതിവായി കഴിക്കുന്നവരാണോ? കാത്തിരിക്കുന്നത് വലിയ ആരോഗ്യ പ്രശ്നങ്ങൾ
അസിഡിറ്റിയും ഗ്യാസ് ട്രബിളും മൂലമുള്ള പ്രശ്നങ്ങള് ഓരോ തവണ ഉണ്ടാകുമ്പോഴും അതിനുള്ള മരുന്നുകള് അടിക്കടി കഴിക്കുന്നവരുണ്ട്. ഈ മരുന്നുകള് അസിഡിറ്റിയുടെയുടെയും ഗ്യാസിന്റെയും ലക്ഷണങ്ങളെ ലഘൂകരിക്കുമെങ്കിലും മറുവശത്ത് അവ ആരോഗ്യത്തെ വഷളാക്കും. ഏതൊക്കെ മരുന്നുകളാണ് ദോഷകരം
