റേഷൻ കടകളുടെ സമയം പുനക്രമീകരിച്ച് ഭക്ഷ്യവിതരണ വകുപ്പ് രാവിലെ 8:30 മുതല് ഉച്ചയ്ക്ക് 12 മണി വരെയും, വൈകിട്ട് നാല് മണി മുതല് രാത്രി 7 മണി വരെയും റേഷൻകടകള് തുറന്നു പ്രവർത്തിക്കും. അരമണിക്കൂർ പ്രവർത്തന സമയം ഇതോടെ കുറയും. നിലവില് രാവിലെ എട്ട് മണി മുതല് 12 വരെയും, നാല് മണി മുതല് ഏഴ് വരെയുമായിരുന്നു പ്രവർത്തന സമയം. റേഷൻ വ്യാപാരി സംഘടനകള് ഭക്ഷ്യ മന്ത്രിയുമായി നടത്തിയ ചർച്ചയിലാണ് തീരുമാനം. റേഷൻ വ്യാപാരികളുമായി രണ്ടാംഘട്ട ചർച്ച ജനുവരി 9-ന് നടക്കും. ഉത്തരവ് സർക്കാർ ഉടൻ പുറത്തിറക്കും. ചർച്ചയില് KTPDS ആക്റ്റിലെ അപാകതകള് പരിഹരിക്കാമെന്ന് മന്ത്രി വ്യാപാരികള്ക്ക് ഉറപ്പു നല്കി. ആക്റ്റില് ഭേദഗതി വരുത്തണമെന്നായിരുന്നു റേഷൻ വ്യാപാരികളുടെ പ്രധാന ആവശ്യം. സർക്കാരിന്റെ എല്ലാ പൊതു അവധികളും റേഷൻ കടകള്ക്കും നല്കണമെന്നും റേഷൻ വ്യാപാരികള് ആവശ്യപ്പെട്ടിരുന്നു. അവധി ദിവസം റേഷൻ കടകള് പ്രവർത്തിപ്പിക്കുന്നവക്കെതിരെ നടപടി വേണമെന്നും ചർച്ചയില് ആവശ്യം ഉയർന്നു. വേതന പാക്കേജും ക്ഷേമനിധിയുമായി ബന്ധപ്പെട്ടുള്ള കാര്യങ്ങള് പിന്നീട് ചർച്ച ചെയ്യും.
കുടുംബശ്രീ തെരഞ്ഞെുപ്പ്; ജില്ലയില് ഒരു ലക്ഷത്തിലധികം കുടുംബശ്രീ അംഗങ്ങള് മത്സര രംഗത്ത് പങ്കാളികളാകും
കുടുംബശ്രീ തെരഞ്ഞെടുപ്പിന് ചൂടേറുമ്പോള് ജില്ലയില് ഒരു ലക്ഷത്തിലധികം കുടുംബശ്രീ പ്രവര്ത്തകർ മത്സര രംഗത്ത്പങ്കാളികളാകും. കുടുംബശ്രീ ത്രിതല സംഘടനാ തെരഞ്ഞെടുപ്പ് ജനുവരി 30 ന് ആരംഭിക്കും. ജില്ലയിലെ ഒന്പതിനായിരത്തിലധികം അയല്ക്കൂട്ടങ്ങളിലായി നടക്കുന്ന തെരെഞ്ഞെടുപ്പില് ഒരു ലക്ഷത്തിലധികം
