ഹൈക്കോടതിയില് നിന്ന് ഇടക്കാല ജാമ്യം ലഭിച്ച് വീട്ടിലെത്തിയ അല്ലു അർജുനെ കണ്ട് വികാരനിർഭരയായി ഭാര്യ സ്നേഹ റെഡ്ഡി.അല്ലുവിനെ ആലിംഗനം ചെയ്യുന്ന സ്നേഹയുടെ വിഡിയോ സോഷ്യല് മീഡിയയില് വൈറലായി മാറിയിരിക്കുകയാണ്.
അല്ലു അർജുനെ കണ്ട് സ്നേഹയുടെ കണ്ണു നിറയുന്നതും വിഡിയോയില് കാണാം. മകൻ അയാൻ അച്ഛനെ കണ്ട് ഓടി വന്ന് കെട്ടിപ്പിടിക്കുന്നതും വിഡിയോയിലുണ്ട്.
കഴിഞ്ഞ ദിവസം ഹൈദരാബാദിലെ വസതയിലെത്തിയാണ് അല്ലു അർജുനെ പൊലീസ് അറസ്റ്റ് ചെയ്തത്. പൊലീസിനെ കണ്ട് ആശങ്കപ്പെടുന്ന സ്നേഹയുടെ വിഡിയോ സമൂഹ മാധ്യമങ്ങളില് വൈറലായിരുന്നു. പൊലീസ് വണ്ടിയില് കയറുന്നതിനു മുമ്ബ് ഭാര്യയ്ക്ക് സ്നേഹ ചുംബനം നല്കിയാണ് അല്ലു സമാധാനിപ്പിച്ചത്.
സ്നേഹയുടെ മുഖത്ത് വിഷമം പ്രകടമായിരുന്നു. പുഷ്പ 2 സിനിമയുടെ റിലീസിനോടനുബന്ധിച്ച് തിയറ്ററിലുണ്ടായ തിക്കിലും തിരക്കിലും യുവതി മരിച്ച സംഭവത്തിലാണ് അല്ലു അർജുൻ അറസ്റ്റിലാകുന്നത്. ജാമ്യം ലഭിച്ചിട്ടും അല്ലു ജയിലില് തുടരുകയായിരുന്നു. ഇന്നലെ രാത്രി മുഴുവൻ അദ്ദേഹം ജയിലിലാണ് കഴിഞ്ഞത്. ഹൈക്കോടതിയുടെ ഇടക്കാല ജാമ്യ ഉത്തരവിന്റെ ഒപ്പിട്ട പകർപ്പ് ലഭിക്കാത്തത് കാരണമാണ് നടനെ, ചഞ്ചല്ഗുഡ ജയിലിലേക്ക് മാറ്റിയത്.
Video👇
https://x.com/AVinthehousee/status/1867781650139996165?ref_src=twsrc%5Etfw%7Ctwcamp%5Etweetembed%7Ctwterm%5E1867781650139996165%7Ctwgr%5E406ca2aa9e709a500cd9f9544d4887a970f7ab36%7Ctwcon%5Es1_c10&ref_url=https%3A%2F%2Fkeralaspeaks.news%2F%3Fp%3D119046
ഒടുവില് ജാമ്യ ഉത്തരവിന്റെ പകർപ്പ് ഇന്ന് രാവിലെ ലഭിച്ചതോടെയാണ് അദ്ദേഹം ജയിലില് നിന്നും പുറത്തേക്കിറങ്ങുന്നത് .നൂറുകണക്കിന് ആരാധകരാണ് അല്ലു അറസ്റ്റിലായതിനെ തുടർന്ന് പൊലീസ് സ്റ്റേഷനു മുന്നില് തടിച്ചു കൂടിയത്. ആരാധകര് സംഘടിച്ചതും സ്ഥിതിഗതികള് ആശങ്കാകുലമാക്കി.
https://x.com/rvgvarma/status/1867775245605908632?ref_src=twsrc%5Etfw%7Ctwcamp%5Etweetembed%7Ctwterm%5E1867775245605908632%7Ctwgr%5E406ca2aa9e709a500cd9f9544d4887a970f7ab36%7Ctwcon%5Es1_c10&ref_url=https%3A%2F%2Fkeralaspeaks.news%2F%3Fp%3D119046
കേസില് തിയറ്റര് ഉടമ, മാനേജര്, സുരക്ഷാ മേധാവി തുടങ്ങിയവരെ നേരത്തേ അറസ്റ്റ് ചെയ്തിരുന്നു. ഈ മാസം നാലിനാണ് പുഷ്പ 2 വിന്റെ പ്രീമിയര് ഷോയ്ക്കിടെ തിക്കിലും തിരക്കിലും പെട്ട് മുപ്പത്തൊന്പതുകാരി മരിച്ചത്.
