അമ്പതിനായിരം ചതുരശ്ര അടിയിൽ ഒരു ലക്ഷം പൂക്കളുമായി അണിയിച്ചൊരുക്കിയ വയനാട് പുഷ്പോത്സവത്തിൽ കഴിഞ്ഞ ദിവസങ്ങളിലെല്ലാം വലിയ തിരക്കാണ് അനുഭവപ്പെട്ടത്. അയൽ ജില്ലകളിൽ നിന്നും അയൽ സംസ്ഥാനങ്ങളിൽ നിന്നും വയനാട്ടിലെത്തിയവർ ഫ്ളവർ ഷോ കൂടി കണ്ടാണ് മടങ്ങിയത്.
സ്വദേശി ഇനത്തിൽപ്പെട്ടതും വിദേശ ഇനത്തിലുള്ളതുമായ നൂറ് കണക്കിന് പുഷ്പ ഫല സസ്യങ്ങളാണ് പ്രദർശനത്തിനുള്ളത്. കൺസ്യൂമർ സ്റ്റാൾ, അമ്യൂസ്മെന്റ് പാർക്ക്, മരണക്കിണർ തുടങ്ങിയവയും ഫുഡ് കോർട്ടും ഒരുക്കിയിട്ടുണ്ട്. ദിവസേന പ്രാദേശിക കലാകാരൻമാരുടെ കലാപരിപാടികളും ഉണ്ട്.
